Төбәктә тәүге тапҡыр «Сибай» халыҡ йырын башҡарыусылар конкурсы уҙғарылды

IMPORT Сервисный

ӨФӨ, 2015 йыл, 11 ноябрь. /«Башинформ» мәғлүмәт агентлығы, Арина Рәхимҡолова/. Башҡортостанда тәүге тапҡыр «Сибай» халыҡ йырын башҡарыусылар конкурсы ойошторолдо. Был йыр тыуған илгә һөйөү, сит ерҙә уны һағыныу хаҡында. Ижади бәйге Баймаҡ районының Иҫке Сибай ауылында үтте.

Урындағы хакимиәттең мәғлүмәт-аналитика бүлегендә хәбәр итеүҙәренсә, конкурс алтынсы башҡорт казачий ғәскәре начальнигы, импровизатор, ошо йырҙың авторы, халыҡта Сибай кантон булараҡ билдәле Шаһиәхмәт Сибаевҡа арналған. Риүәйәт буйынса сәсән француздарға ҡаршы һуғышҡа киткәндә шул йырын йырлаған. Ул йәшәгән йорттоң стенаһына мемориаль таҡтаташ ҡуйылған. Сибай ҡалаһындағы, Иҫке Сибай ауылындағы урамдар сәсәндең исемен йөрөтә.

Бәйгене ойошторорға Шаһиәхмәт Сибаевтың туғандары, урындағы ветерандар советы, ауыл советы хакимиәте һәм Мәҙәниәт йорто тәҡдим иткән. Ярыш талантлы сәсәндең хәтерен мәңгеләштереү, сәнғәт традицияларын һаҡлау, оҙон көйҙө башҡарыу традицияларын пропагандалау маҡсатында уҙғарылды.

Конкурсанттар «Cибай» халыҡ йырын музыкаль оҙатыуһыҙ һәм үҙҙәре теләгән йырҙы башҡарҙы. Райондың барлыҡ үҙешмәкәр йырсылары ла һәләттәрен күрһәтте. Һикһән йәшлек Үлмәҫбикә Ғатауллина бер тауыштан еңеүсе тип танылды, икенсе урын Фәнил Хәсәновҡа бирелде. Өсөнсө урынды Мөслимә Ильтинина менән Сабирйән Байназаров бүлеште. Иң йәш ҡатнашыусы Ирназар Хәсәнов Сибай кантон вариҫтарының махсус бүләгенә лайыҡ булды.

Тантана һуңында ойоштороусылар конкурсты өс йылға бер тапҡыр үткәрергә вәғәҙә бирҙе.

#милли мәҙәниәт #халыҡ ижады

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.