Среда, 29 Апреля 2026

Уфа

+12 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Мәҙәниәт

12:15 (UTC+5), 06 Ноября 2015

«Көмөш Аҡбуҙат» кино фестиваленә Рәсәй киноһы йондоҙҙары һәм 10 илдән ҡатнашыусылар килә

Олег Яровиков

IMPORT Сервисный

ӨФӨ, 2015 йыл, 6 ноябрь. /«Башинформ» мәғлүмәт агентлығы, Ләйлә Аралбаева/. «Көмөш Аҡбуҙат» II Халыҡ-ара милли һәм этник кино фестивалендә ҡатнашыу өсөн 36 фильм һайлап алынған. Бөгөн «Башинформ» агентлығында уҙған матбуғат конференцияһында фестивалде ойоштороусылар ошо хаҡта белдерҙе. Рәсәй, Тажикстан, Азербайжан, Ҡырғыҙстан, Мысыр, Эстония, Бангладеш, Әрмәнстан, Иран, Һиндостан һәм Рәсәйҙең 11 төбәге үҙҙәренең эштәрен тәҡдим иткән. 9-12 декабрҙә Евразия гуманистик форумы сиктәрендә Өфөлә «Көмөш Аҡбуҙат» Халыҡ-ара милли һәм этник кино фестивале үтә.

Халыҡ-ара жюриҙы кинорежиссер, сценарист һәм оператор Ходжакули Нарлиев (Төркмәнстан) етәкләй, шулай уҡ уның составына Дәүләтназар Худоназаров (Тажикстан), кино белгесе һәм кино тәнҡитсеһе Гөлбара Толомушева (Ҡырғыҙстан), режиссер һәм сценарист Виктор Лисакович, актер, кинорежиссер, кинодраматург, продюсер Владимир Грамматиков (Рәсәй) инә.

Фильмдарҙы Актерҙар йортонда һәм «Родина» кинотеатрында бушлай ҡарарға мөмкин. Фестивалде асыу һәм ябыу тантанаһы Конгресс-холда үтәсәк. Кинофестивалдең презентацияһынан һуң ҡунаҡтар «Родина» кинотеатрында шау-шыу тыуҙырған «Батальон» фильмын ҡараясаҡ. Шуға бәйле кинотаҫманың генераль продюсеры Игорь Угольниковтың һәм төп ролде башҡарыусы Мария Кожевникованың килеүе көтөлә. Тантананы алып барыусыларҙың береһе — билдәле актер Александр Белый.

«Беҙҙә шундай сара уҙғарылыуы бик һәйбәт. Мин бик күп фестивалдәрҙә булдым. Ханты-Мансиҙа — экологик, Пермдә — хәрби, Ҡазанда мосолман киноһы. Хәҙер этник һәм милли кино Башҡортостанда төпләнде. Беҙҙә төп халыҡтың ғына түгел, республикабыҙҙа йәшәүсе башҡа халыҡтарҙың да мәҙәниәтен һәм ғөрөф-ғәҙәттәрен үҫтереүгә иғтибар бүленә», — тип иҫәпләй фестивалдең йәмәғәтселек менән бәйләнеш хеҙмәте етәксеһе Гәүһәр Батталова.

Башҡортостандан фестиваль программаһы өсөн биш фильм һайлап алынған. Бына улар: Вилүрә Иҫәндәүләтованың «Тәүбә» документаль таҫмаһы һәм Айнур Асҡаровтың «Әсә», Руслан Юлтаевтың «Өс хат», Таңсулпан Бураҡаеваның «Ике күрше», Айсыуаҡ Йомағоловтың «Бибигөл һәм Сәйфелмөлөк» фильмдары.

Фестиваль йомғаҡтары буйынса 10 еңеүсе билдәләнәсәк. Гран-приҙан тыш, туғыҙ номинацияла приздар тапшырыласаҡ.

1 из 10

#халыҡ-ара кино фестивале #көмөш аҡбуҙат

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.