Башҡортостан «Сәнғәт төнө» бөтә Рәсәй акцияһына ҡушыла

IMPORT Сервисный

ӨФӨ, 2015 йыл, 23 октябрь. /«Башинформ» мәғлүмәт агентлығы, Ләйлә Аралбаева/. 3 ноябрҙә Мәҙәниәт министрлығы башланғысы буйынса Рәсәйҙә «Сәнғәт төнө» мәҙәни акцияһы ойошторола. Сара Халыҡтар берҙәмлеге көнө сиктәрендә уҙғарыла. Акцияла Башҡортостандың бөтә мәҙәниәт учреждениелары ҡатнаша.

Республиканың Мәҙәниәт министрлығында хәбәр итеүҙәренсә, быйылғы акцияның слоганы — «Сәнғәт берләштерә». «Сәнғәт төнө»ндә айырыуса әҙәбиәткә һәм киноға иғтибар бүленәсәк. Сөнки Әҙәбиәт йылы тамамланып килә, ә 2016 йыл Рәсәй киноһы йылы тип иғлан ителә. Көндөҙгө сәғәт 3-тән төнгө 11-гә тиклем музейҙар, китапханалар, театрҙар, концерт ойошмалары берҙәм мәҙәни киңлек буласаҡ.

Ғәҙәттәгесә, «Төнгө осрашыуҙар» сараның төп ваҡиғаһына әүереләсәк. Лекциялар һәм фекер алышыуҙар төнгө кино күрһәтеү, әҙәби уҡыуҙар, экскурсиялар, театр интермедиялары, күргәҙмәләр, музыкаль ҡунаҡханалар менән тулыланасаҡ. Республика юғары уҡыу йорттары алдындағы майҙансыҡтарҙа флешмоб ойоштороласаҡ һәм Рәсәй флагы төҫөндәге шарҙар осороу менән тамамланасаҡ. Киске сәғәт 9-ҙа бөтә мәҙәниәт учреждениеларында Рәсәй гимны яңғыраясаҡ.

Тәүге «Сәнғәт төнө» 2013 йылда Мәскәүҙә һәм Санкт-Петербургта уҙғарылды. Былтыр проект беренсе тапҡыр күп кенә төбәктәрҙә, шул иҫәптән Башҡортостанда тормошҡа ашырылды. «Сәнғәт төнө-2015» Бөтә Рәсәй акцияһы сиктәрендә республика музейҙарының саралар планы Мәҙәниәт министрлығының рәсми сайтында баҫылған.

#сәнғәт төнө

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.