Башҡортостан юлдаш телеканалының «Автограф» тапшырыуы Таруса ҡалаһында уҙған телефестивалдә наградаға лайыҡ булды

IMPORT Сервисный

ӨФӨ, 2015 йыл, 22 октябрь. /«Башинформ» мәғлүмәт агентлығы, Ләйлә Аралбаева/. Башҡортостан юлдаш телеканалындағы «Автограф» тапшырыуының өс очеркы Таруса ҡалаһында үткән «Ярҙар» фестивалендә «Телевизион тапшырыуҙарҙың иң яҡшы серияһы» номинацияһында еңеүселәр иҫәбенә инде. Приз проекттың авторы һәм режиссеры Таңсулпан Ильясоваға тапшырылды. «Автограф» программаһы циклы геройҙары — билдәле башҡорт яҙыусыһы Камил Йыһаншин, шағир Айҙар Хөсәйенов һәм фронтта ҡатнашҡан Зинаида Шипанова.

«Таруса ҡалаһын бөтөнләй икенсе яҡтан астым. Бик күп билдәле рәссамдар, шағирҙар, яҙыусылар, режиссерҙарҙың тормошо һәм ижады ошо ҡала менән бәйле. Мин бында дәрт-илһам алдым һәм артабан ижад итергә әҙермен», — тине Таңсулпан Ильясова.

Быйыл «Ярҙар» телевизион фильмдар һәм тапшырыуҙар фестивале Калуга өлкәһенең боронғо Таруса ҡалаһында ойошторолдо. Сара Әҙәбиәт йылына арналды. Ҡалаға бөтә илдән тиерлек журналистар һәм операторҙар килде. Фестивалгә 80-дән ашыу эш ебәрелде.

«Ярҙар» телевизион фильмдар һәм тапшырыуҙар фестивален Калуга өлкәһенең Таруса районы хакимиәте һәм Бөтә Рәсәй дәүләт телерадиокомпанияһы булышлығында «Калуга» дәүләт телерадиокомпанияһы үткәрҙе. Сара илдә иң абруйлы бәйгеләрҙән һанала, тип хәбәр иттеләр Башҡортостан юлдаш телеканалының матбуғат хеҙмәтендә.

#башҡортостан юлдаш телеканалы #телевидение #наградалар

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.