93.44
-0.65
Башҡортостан һәм Өфө яңылыҡтары
99.58
-0.95
87.39
+0.28
23+ °C
Ясна
Бөтә яңылыҡтар
Мәҙәниәт
21 Октябрь 2015, 14:12
Өфөлә «Зауэр-фест» халыҡ-ара орган фестивале уҙғарыла
ӨФӨ, 2015 йыл, 21 октябрь. /«Башинформ» мәғлүмәт агентлығы, Ләйлә Аралбаева/. 1 ноябрҙән 1 декабргә тиклем Өфө донъяның органда уйнау үҙәктәренең береһенә әүереләсәк. Башҡорт дәүләт филармонияһында тәүге тапҡыр «Зауэр-фест» халыҡ-ара орган фестивале ойошторола. Тыңлаусыларҙы биш башҡарыусы ҡатнашлығында биш кисә һәм биш эксклюзив программа көтә.
Фестивалдең художество етәксеһе — Башҡортостандың атҡаҙанған артисткаһы, орган сәнғәте халыҡ-ара фестивале лауреаты Эльвира Хәйретдинова. 1 ноябрҙә «Зауэр-фест» уның сығышы менән асыла. Программала төрлө дәүерҙәге, стилдәге көйҙәр, Бах, Вивальди, Фрескобальдиҙың, шулай уҡ замандашыбыҙ Микаэл Таривердиевтың әҫәрҙәре яңғыраясаҡ.
7 ноябрҙә Өфөгә Мәскәүҙән Олеся Кравченко килә. Ул Букстехуде, Фрескобальди, Вивальди, Бах һәм Моцарттың әҫәрҙәрен башҡара.
17 ноябрҙә баш ҡала Абхазия ҡунаҡтарын — органсы Лука Гаделияны һәм сопрано Кристина Эшбаны ҡабул итә. «Барокконан бөгөнгө көнгә тиклем» тип исемләнгән программала Бах, Гендель, Лист, Мессиандың музыкаһы яңғыраясаҡ. 21 ноябрҙә Германия музыканты Даниэль Байльшмидт «Йәш Бах» тигән эксклюзив программа тәҡдим итә.
Фестиваль Даниил Дворцовтың (Санкт-Петербург) сығышы менән тамамлана. 1 декабрҙә ул Пахельбель, Клерамбо, Бах, Скарлатти, Гайдн, Шопен, Франк, Дебюсси, Мессиан, Слонимскийҙың әҫәрҙәрен уйнай.
1986 йылда филармонияның бәләкәй залында «Sauer» фирмаһы оҫталары эшләгән орган ҡуйыла. Фестивалдең исеме лә шунан алынған. Учреждениеның матбуғат хеҙмәтендә хәбәр итеүҙәренсә, 2016 йылда Өфөлә «төпләнгән» уйын ҡоралдары короленең 30 йыллығы тантаналы билдәләнәсәк.
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».