Суббота, 19 Сентября 2026

Уфа

+16 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт

|Последние новости

Төп бит/Мәҙәниәт

16:27 (UTC+5), 09 Октября 2015

Өфөлә яҙыусы, музыкант һәм рәссамдар Шәйехзада Бабич исемендәге йәштәр премияһына лайыҡ булды

автор фотоһы

ӨФӨ, 2015 йыл, 9 октябрь. /«Башинформ» мәғлүмәт агентлығы, Ләйлә Аралбаева/. Бөгөн Башҡортостан Хөкүмәте йортонда 2013-2014 йылдар өсөн әҙәбиәт, сәнғәт һәм архитектура өлкәһендә Шәйехзада Бабич исемендәге йәштәр премияһын тапшырыу тантанаһы булды.

Был юлы премияға журналист һәм яҙыусы Айгиз Баймөхәмәтов, рәссамдар Вера Фролова һәм Айгөл Ишбирҙина, шулай уҡ кларнетист, Мәскәү филармонияһы артисы Артур Нәзиуллин лайыҡ булды.

Премия яҙыусы, «Башҡортостан» гәзите хеҙмәткәре Айгиз Баймөхәмәтовҡа «Ҡалдырма, әсәй!» китабы өсөн бирелде.

«Әҙәбиәт йылында премия алыуым менән бик бәхетлемен. Эшемдә һәр саҡ өлкән ҡәләмдәштәремдең иғтибарын тойҙом, уларҙың кәңәштәренә ҡолаҡ һалдым. Республика Яҙыусылар союзының мине ошо премияға лайыҡ тип иҫәпләүе яуаплылыҡ өҫтәй. Үҙем етем үҫтем, бала саҡтан Өфөлә белем алырға хыялландым, әммә Хөкүмәт йортонда шундай абруйлы премия тапшырырҙар тип күҙ алдыма ла килтермәнем, — тине Айгиз Баймөхәмәтов. — Уҡыусыларымды яңы әҫәрҙәр менән ҡыуандырырға тырышасаҡмын».

Тиҙҙән уның «Ҡалдырма, әсәй!» повесы Мәжит Ғафури исемендәге Башҡорт драма театрында сәхнәләштереләсәк. Спектакль өҫтөндә режиссер Илсур Ҡаҙаҡбаев эшләй.

«Беҙҙең проект «Тыуған төйәктә ҡулға-ҡул тотоношоп» тип атала», — тип һөйләнеләр йәш рәссамдар Вера Фролова һәм Айгөл Ишбирҙина. — Республикабыҙҙы, тарихыбыҙҙы, тамырҙарыбыҙҙы, кешеләрҙе, тәбиғәтебеҙҙе башҡорт һәм рус ҡыҙы күҙлегенән күрһәтергә теләнек. Беҙ ғүмер буйына: уҡыуҙа ла, эштә лә, ижади сәфәрҙә лә бергә».

Билдәле кларнетист, Башҡортостандың атҡаҙанған артисы Артур Нәзиуллин Өфөлә тыуған. Ул Шәйехзада Бабич исемендәге премияға хәйриә проекттары һәм донъяла Башҡортостан мәҙәниәтенең абруйын күтәреүе өсөн лайыҡ булды.

«Башҡортостандың хеҙмәттәребеҙҙе баһалауы — минең өсөн ҙур хөрмәт. Был артабанғы үҫешкә яҡшы этәргес булыр, тип ышанам», — тип билдәләне Артур Нәзиуллин.

Шәйехзада Бабич исемендәге республика дәүләт йәштәр премияһы 1995 йылдан алып тапшырыла. Әлеге ваҡытта премияның күләме 150 мең һум тәшкил итә.

1 из 12

#бүләкләүҙәр #ш.бабич исемендәге премия

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.