Ригала башҡорт драматургы Флорид Бүләковтың пьесаһы буйынса ҡуйылған спектаклдең премьераһы була

ӨФӨ, 2015 йыл, 6 октябрь. /«Башинформ» мәғлүмәт агентлығы, Ләйлә Аралбаева/. 21 октябрҙә Ригала башҡорт драматургы Флорид Бүләковтың пьесаһы буйынса ҡуйылған спектаклдең премьераһы була. Латвияның «Дайлес» театры Флорид Бүләковтың «Һөйәһеңме, һөймәйһеңме?» тигән пьесаһы буйынса спектакль ҡуйҙы, тип хәбәр итә «Азатлыҡ» радиоһы сайты. «Изге эш» исемле спектакль яңы ижад миҙгелендә тәүге премьера буласаҡ.

Ҡуйыусы режиссеры — Паулс Тимротс, пьесаны ла латыш теленә үҙе тәржемә иткән. Төп ролдәрҙе Индра Бике, Юрис Барткевичс, Элина Дзелме, Мартиньш Почс башҡара.

Флорид Бүләков (1948-2015) — башҡорт драматургы, Башҡортостандың халыҡ яҙыусыһы, Рәсәйҙең әҙәбиәт һәм сәнғәт өлкәһендәге дәүләт премияһы лауреаты, Башҡортостандың Салауат Юлаев исемендәге дәүләт премияһы лауреаты, республиканың атҡаҙанған сәнғәт эшмәкәре. Уның пьесалары Рәсәй, Бойондороҡһоҙ Дәүләттәр Берләшмәһе һәм алыҫ сит ил театрҙарында ҡуйыла.

«Һөйәһеңме, һөймәйһеңме?» трагикомедияһы — авторҙың тәүге драма әҫәрҙәренең береһе.

«Был спектакль, башҡа пьсалар кеүек үк, мөхәббәт хаҡында. Уларҙан айырмалы рәүештә, көслө, мәңгелек мөхәббәт тураһында. Әлбиттә, тормошта төрлө мәлдәр була, әммә улар һөйөү утын һүндермәй. Минеңсә, һәр беребеҙ ошондай хистәр хаҡында хыяллана һәм кемдәр уны тапҡан, шулар бәхетле», — тигәйне Флорид Бүләков.

#театр #премьера

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.