Башҡортостан һәм Өфө яңылыҡтары
92.59
+0.02
100.27
-0.14
86.25
+0.84
1+ °C
Ҡар
Бөтә яңылыҡтар
Мәҙәниәт
6 Октябрь 2015, 15:23

Өфөлә «Мираҫ» йыр һәм бейеү ансамбле яңы ижад миҙгелен аса

ӨФӨ, 2015 йыл, 6 октябрь. /«Башинформ» мәғлүмәт агентлығы, Ләйлә Аралбаева/. Өфөлә «Мираҫ» йыр һәм бейеү фольклор ансамбле яңы ижад миҙгелен аса. 22 октябрҙә Ҡала мәҙәниәт һарайында «Берҙәм ғаиләлә» исемле тамаша була. Концерт донъя халыҡтарының берҙәмлегенә арналған.
Тамашаны ижади төркөм — «Мираҫ»тың директоры Айнур Искәндәров, художество етәксеһе Нәфирә Ихсанова, балетмейстер Әлфиә Тимерғәзиева, хормейстер Эльвира Ғәйфуллина, музыкаль етәксе Сергей Гориченский, «Забава» ансамбле етәксеһе Виктор Ярцев әҙерләй.
Концерт киске сәғәт 7-лә башлана.
Ансамблдең репертуарында 70-тән ашыу бейеү бар. Уның нигеҙен республика халыҡтары фольклоры тәшкил итә. Башҡортостан илселәренең сәнғәте Рәсәйҙең күп ҡалаларына таныш, улар араһында — Сочи, Түбәнге Новгород, Чебоксар, Һамар, Мәскәү. Мираҫтарға Франция, Испания, Португалия, Италия, Бельгия, Германия, Люксембург, Болгария, Венгрия, Лаос, Ҡаҙағстан тамашасылары алҡышлаған.
Читайте нас: