Силәбе өлкәһендә Башҡорт киноһы көнө уҙғарылды

IMPORT Сервисный

ӨФӨ, 2015 йыл, 28 сентябрь. /«Башинформ» мәғлүмәт агентлығы, Ләйлә Аралбаева/. Силәбе өлкәһенең Ҡоншаҡ ауылында «Рәсәй башҡорттары» программаһы сиктәрендә Башҡорт киноһы көнө уҙғарылды. Был юлы киностудия белгестәре өс анимация, ике уйын һәм бер документаль фильм тәҡдим итте.

«Башҡортостан» киностудияһының матбуғат хеҙмәтендә хәбәр итеүҙәренсә, тамашасылар режиссер Рим Шәрәфетдиновтың «Алдар һәм һоро бүре», «Ай һәм Урал тауҙары нисек барлыҡҡа килгән», Айгөл Байрамғолованың «Урал менән Шүлгән мажаралары» анимация фильмдарын ҡыҙыҡһынып ҡараны. Руслан Юлтаевтың «Өс хат» драмаһы геройҙарының ҡайғы-шатлыҡтарын күңеленән үткәрҙе. Кинотаҫма Бөйөк Ватан һуғышы йылдарындағы башҡорт ауылы тормошон сағылдыра.

Айнур Асҡаровтың «Пилорама»һын тамашасылар көлөп, күҙ йәштәре аша ҡараны, Вилүрә Иҫәндәүләтованың «Мөрйәләрҙән төтөн сыға әле...» документаль фильмы киләсәкһеҙ тип юҡҡа сығарылған тыуған ауылында яңғыҙы йәшәгән ҡарт хаҡында бәйән итте.

«Фильмдар беҙгә бик оҡшаны, — тине Силәбе өлкәһе Ҡоншаҡ районы хакимиәтенең мәҙәниәт, спорт, йәштәр сәйәсәте һәм мәғлүмәт идаралығы етәксеһе Оксана Йосопова. — Залдар тулы ине, төрлө йәштәге, шул иҫәптән уҡыусылар һәм Ветерандар советы вәкилдәре килде. Фильмдарҙың тематикаһы һәм актерҙарҙың уйнауы оҡшаны. Тамашасылар Башҡорт киноһы көнөн ойоштороусыларға рәхмәт белдерә һәм беҙгә йышыраҡ килеүҙәрен һорай. Мин дә уларҙың теләктәренә ҡушылам».

«Башҡортостан» киностудияһы «Рәсәй башҡорттары» программаһы сиктәрендә төбәктәрҙә кино гастролдәрен 2012 йылдан бирле ойоштора. «Башҡортостан» киностудияһының фильмдары Мәскәүҙә, Силәбелә, Магнитогорскиҙа, Ҡурғанда, Төмәндә, Екатеринбургта, Ҡазанда, Пермдә һәм Ырымбур өлкәһендә ҙур уңыш менән барҙы.

1 из 6

#кино гастролдәре

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.