Башҡортостан «Китап» нәшриәте Халыҡ-ара китап күргәҙмә-йәрминкәһенең өс дипломына лайыҡ булды

ӨФӨ, 2015 йыл, 28 сентябрь. /«Башинформ» мәғлүмәт агентлығы, Ләйлә Аралбаева/. Зәйнәб Биишева исемендәге Башҡортостан «Китап» нәшриәте «Китап — хеҙмәттәшлек һәм үҫеш юлы» X Халыҡ-ара китап күргәҙмә-йәрминкәһендә ҡатнашҡаны өсөн өс дипломға лайыҡ булды. Күргәҙмә Төркмәнстандың баш ҡалаһы Ашхабадта уҙғарылды. «Китап» нәшриәте «Балалар китабы» номинацияһында «Донъя әкиәттәре» китабы һәм «Нәфис баҫма» номинацияһында «Гөлли Мөбәрәкова. Тормошо һәм ижады» фотоальбомы өсөн ике диплом менән бүләкләнде. Шулай уҡ нәшриәткә әүҙем һәм даими ҡатнашҡаны өсөн диплом тапшырылды.

«Төркмәнстанда уҙғарылған Халыҡ-ара күргәҙмәлә ҡатнашыу «Китап» нәшриәте өсөн үҙеңде лайыҡлы күрһәтеү һәм төрлө илдәрҙең нәшерселәре менән тәжрибә уртаҡлашыу мөмкинлеге ул. «Гөлли Мөбәрәкова. Тормошо һәм ижады» фотоальбомы, «Башҡортостан операһы һәм балеты» баҫмаһы, Мостай Кәримдең «Беҙҙең өйҙөң йәме» һәм «Донъя әкиәттәре» китаптары айырыуса ҙур һорау менән файҙаланды. 2016 йылға Мосолман календары тиҙ арала һатылып бөттө», — тип һөйләнеләр нәшриәттең матбуғат хеҙмәтендә.

Килтерелгән барлыҡ китаптар ҙа Төркмәнстан китапханаларына бүләк ителде. Халыҡ-ара китап күргәҙмә-йәрминкәһе сиктәрендә «Китап» нәшриәтенең презентацияһы уҙҙы.

Ашхабад форумында Рәсәйҙең милли стендын ойоштороусы — Рәсәй Китап сығарыусылар ассоциацияһы.

#китап күргәҙмәләре #китап сығарыу

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.