Өфө бөтә донъя кинематографистарын «Көмөш Аҡбуҙат» халыҡ-ара кино фестиваленә йыя

IMPORT Сервисный

ӨФӨ, 2015 йыл, 7 сентябрь. /«Башинформ» мәғлүмәт агентлығы, Ләйлә Аралбаева/. 9 декабрҙән 12-нә тиклем Өфөлә II Халыҡ-ара «Көмөш Аҡбуҙат» милли һәм этник кино фестивале ойошторола. Сара Евразия гуманистик форумы сиктәрендә уҙғарыла. «Башҡортостан» киностудияһы унда ҡатнашыуға ғаризалар ҡабул итә. Фестивалгә 100-ҙән ашыу эш: 34 документаль, 45 ҡыҫҡа метражлы уйын һәм 25 тулы метражлы уйын фильмдары ебәрелгән дә инде. Иран, Египет, Ҡырғыҙстан, Латвия, Әрмәнстан, Бөйөк Британия, Эстония, АҠШ һәм Рәсәй кинематографистары үҙҙәренең әҫәрҙәрен тәҡдим иткән.

Халыҡ-ара жюри «Көмөш Аҡбуҙат» Гран-приһын, иң яҡшы сценарий, режиссер, оператор эше, иң яҡшы герой өсөн премиялар һәм башҡа приздар тапшыра.

Фестиваль сиктәрендә ШОС һәм БРИКС илдәренең кинематографияһына арналған фильмдар күрһәтеү, кино эшмәкәрҙәре менән ижади осрашыуҙар ҡаралған.

Фестиваль тәүге тапҡыр былтыр ойошторолдо һәм Башҡортостандың мәҙәни тормошонда әһәмиәтле, сағыу ваҡиғаға әүерелде. II Халыҡ-ара «Көмөш Аҡбуҙат» милли һәм этник кино фестивале лә республика Башлығы грантына уҙғарыла.

Сараны ойоштороусылар — Өфө ҡалаһы хакимиәте булышлығында Башҡортостан Хөкүмәте, Мәҙәниәт министрлығы, «Башҡортостан» киностудияһы. Төп маҡсат — донъя халыҡтарының рухи һәм мәҙәни ҡиммәттәрен пропагандалау, милли һәм этник йүнәлештәге фильмдар төшөрөүсе кинематографистарҙың ижадын популярлаштырыу, Рәсәй төбәктәре һәм сит илдәр араһында мәҙәни алмашыуҙы үҫтереү, яңы исемдәр асыу. Ғаризалар 1 октябргә тиклем silverakbuzat@yandex.ru электрон почтаһына ҡабул ителә. Тулыраҡ мәғлүмәт — фестивалдең рәсми сайтында.

#халыҡ-ара кино фестивале #гранттар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.