Баш ҡалала «Әҙәби троллейбус» пассажирҙары «Тамаша» журналы менән танышты

IMPORT Сервисный

ӨФӨ, 2015 йыл, 27 август. /«Башинформ» мәғлүмәт агентлығы, Ләйлә Аралбаева/. Өфөлә «Әҙәби троллейбус» акцияһы дауам итә. Был юлы 2-се троллейбус пассажирҙары «Тамаша» журналы менән танышты. Редакция хеҙмәткәрҙәре һәм пассажирҙар менән бергә күңелле маршрут буйынса журналдың ҡунаҡтары һәм дуҫтары: Башҡортостандың атҡаҙанған артисы, билдәле юморист һәм сатирик Юнир Салауатов, халыҡ-ара конкурстар лауреаттары, Башҡортостандың Халыҡ уйын ҡоралдары милли оркестры артисы, думбырасы Гүзәл Үмәрғәлина, Башҡорт дәүләт филармонияһы солисы, халыҡ-ара конкурстар лауреаты, ҡурайсы Илнур Хәйруллин, «Тамыр» балалар телеканалы режиссеры Ләйсән Мәзитова йөрөнө.

Пассажирҙарҙы ҡурай моңдары һәм бауырһаҡ менән ҡаршы алдылар. Сараны алып барыусы, «Тамаша» журналының бүлек мөхәррире Миләүшә Уразова һәр пассажирҙы шатланып ҡаршыланы. «Тамыр» телеканалының ижади төркөмө «Тау-тау хәбәр» программаһы өсөн акция тураһында ҡыҙыҡлы тапшырыу әҙерләне.

«Акция ысын мәғәнәһендә байрамға әүерелде. «Әҙәби троллейбус»ҡа осраҡлы килеп ингән кешеләр Юнир Салауатовтың мәҙәктәрен тыңланы, хатта башҡортса бейеү көйҙәренә бейеп тә алды. Редакция хеҙмәткәрҙәре пассажирҙарға журналдар таратты», — тип һөйләне журнал хеҙмәткәрҙәре.

«Әҙәби троллейбус» акцияһының маҡсаты — журнал уҡыусылар менән осрашыу, пассажирҙарҙы республика матбуғаты менән таныштырыу, подписка кампанияһында әүҙем ҡатнашыу. Акция Әҙәбиәт йылына арналған. «Әҙәби троллейбус» йыл буйына йөрөйәсәк. Ойоштороусыһы — республика Матбуғат һәм киң мәғлүмәт саралары агентлығы.

#киң мәғлүмәт саралары #ижади акция

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.