Баш ҡалала «Әҙәби троллейбус»тың кескәй пассажирҙары «Аҡбуҙат» журналы менән танышты

ӨФӨ, 2015 йыл, 31 июль. /«Башинформ» мәғлүмәт агентлығы, Әлим Фәйезов/. Өфөлә «Әҙәби троллейбус» «Аҡбуҙат» республика балалар журналы хеҙмәткәрҙәрен ҡабул итте. Өфө урамдары буйлап елгән троллейбустан кескәйҙәрҙең тауышы һәм шат көлөүе яңғырап торҙо. Был көндә пассажирҙар — 13-сө балалар баҡсаһы сабыйҙары береһенән-береһе уҙҙырып яратҡан баҫмалары тураһында шиғырҙар һөйләне. Байрамды Мостай Кәрим исемендәге Милли йәштәр театры артисы Шәһитулла Хамматов алып барҙы.

«Аҡбуҙат» журналының баш мөхәррире Тамара Юлдашева балаларға Әҙәбиәт йылы хаҡында мәғлүмәт биргәс тә туҡталышта осраҡлы ғына троллейбусҡа Башҡортостандың халыҡ шағиры Ҡәҙим Аралбай инде. Ул пассажирҙарҙың һорауы буйынса «Башҡортостан — аҡ тирмәләр иле» шиғырын уҡып ишеттерҙе. Балаларға Башҡорт дәүләт филармонияһы артисы һәм яҙыусы-юморист Юнир Салауатов та бик оҡшаны. Шағирәләр Гөлназ Ҡотоева, Миңлегөл Тайсина, журналдың яуаплы секретары Айнар Бикбулатов, мөхәррир Зөбәйҙә Исламова кескәйҙәрҙең һәм башҡа пассажирҙарҙың иғтибар үҙәгендә булды. Шиғырҙар, йомаҡтар, мауыҡтырғыс һорауҙарға яуаптар, баянға ҡушылып йырлау — ошо күңелле тамашаға «Әҙәби троллейбус» та «шатланған» кеүек тойолдо, тип һөйләнеләр «Аҡбуҙат» журналы хеҙмәткәрҙәре.

«Әҙәби троллейбус» акцияһы Әҙәбиәт йылына арналған, унда күпселек республика гәзит, журнал редакциялары ҡатнашты.

1 из 4

#акция #әҙәби троллейбус

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.