Воскресенье, 17 Мая 2026

Уфа

+28 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Мәҙәниәт

05:35 (UTC+5), 13 Июля 2015

Өфө амфитеатрында яңы иҫтәлекле урын — «Ватан» этнопаркы барлыҡҡа килде

автор фотоһы

IMPORT Сервисный

ӨФӨ, 2015 йыл, 13 июль. /«Башинформ» мәғлүмәт агентлығы, Ләйлә Аралбаева/. Шанхай хеҙмәттәшлек ойошмаһы һәм БРИКС саммиттары осоронда Өфө амфитеатрында «Ватан» этнопаркы асылды. Сит ил ҡунаҡтары күркәм тирмәләрҙә башҡорттарҙың милли йолалары һәм мәҙәниәте, шулай уҡ республика ҡаҙаныштары менән танышты. Проект ике йыл дауамында әҙерләнгән һәм Башҡортостан Башлығының 13,5 миллион һум күләмендәге грант аҡсаһына ғәмәлгә ашырылған. Проекттың маҡсаты — республиканың мәҙәни ҡеүәтен күрһәтеү.

Беренсе тирмәлә — башҡорттарҙың көнкүреше һәм йорт кәрәк-яраҡтары, икенсеһендә кейеҙ баҫыу, ағас һырлау, ҡымыҙ әҙерләү кеүек халыҡ һөнәрҙәре сағылдырылған. Өсөнсө тирмәлә Башҡортостандың ер аҫты байлыҡтары: нефть, алтын, йәшмә, баҡыр, металдар, аҫыл таштар тураһында белергә мөмкин. Дүртенсе тирмә төйәктең тәбиғәте һәм уның байлыҡтары хаҡында һөйләй, шунда уҡ балдан һәм ҡымыҙҙан ауыҙ итергә була. Бишенсеһе иһә Башҡортостанда дуҫ һәм татыу йәшәгән милләттәр менән таныштыра. Алтынсы тирмәлә милли кейемдәрҙе кейеп ҡарау, йолаларҙа ҡатнашыу, төрлө образдарҙа фотоға төшөү мөмкинлеге бар. Етенсе тирмәлә ҡунаҡтарға Өфөнөң архитектур киләсәге күрһәтелгән.

Тирмәләрҙә сувенирҙар, урындағы етештереүселәрҙән бал, милли кейемдәр һатып алырға мөмкин.

— «Ватан» паркы Өфө амфитеатры биләмәһендә урынлашҡан, Этноауыл паркта төп урынды биләй. Концепция авторы, рәссам Илдар Нуретдинов менән проект өҫтөндә эшләгәндә ҡанундарҙан ситкә тайпылырға теләнек. Һәр бер тирмәне эшләүҙә бик күп белгестәр ҡатнашты, шуға күрә проект сағыу килеп сыҡты. Быны беҙгә килгән бөтә делегация башлыҡтары һәм халыҡ-ара журналистар ҙа билдәләп үтте, — тип һөйләне Ҡала проекттарын үҫтереү фондының башҡарма директоры Виталий Пилипчук.

Саммиттар барған осорҙа «Ватан» этник паркына ике меңгә яҡын кеше килгән. Өфө халҡы өсөн этнопарк 15 июлдә асыла һәм һыуыҡтар башланғансы эшләйәсәк. Бында туй тантаналары өсөн махсус программа әҙер. Ирекмәндәр паркта эшләүен дауам итәсәк. Балалар өсөн паркка инеү бушлай, өлкәндәр өсөн депозит түләүе ҡаралған, уға фотоға төшөү, һыйлау һәм сувенир инә. Тулыраҡ мәғлүмәт менән этнопарктың рәсми сайтында танышырға мөмкин.

1 из 20

#шос һәм брикс саммиттары #өфө амфитеатры

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.