Башҡортостан Силәбе өлкәһе халҡына меңгә яҡын китап тапшырҙы

IMPORT Сервисный

ӨФӨ, 2015 йыл, 3 июль. /«Башинформ» мәғлүмәт агентлығы, Ләйлә Аралбаева/. «Ҡан-ҡәрҙәштәргә — китап» акцияһы сиктәрендә бер төркөм яҙыусылар, «Башҡортостан» гәзите хеҙмәткәрҙәре Силәбе өлкәһенә барҙы. Шағир һәм драматург Салауат Әбүзәр, сатирик Венер Исхаҡов, прозаик Айгиз Баймөхәмәтов Арғаяш, Ҡоншаҡ райондарында, Силәбе ҡалаһында ижади осрашыуҙар үткәрҙе. Һәр осрашыуҙа бөтөн республика менән йыйған китаптарҙы тапшырҙылар.

Әҙәбиәт йылына арналған проект Силәбе, Ырымбур, Һамар, Һарытау, Пермь, Ҡурған өлкәләре китапханалары һәм мәктәптәре өсөн башҡорт телендә китаптар йыйыуҙы күҙ уңында тота. Күрше өлкәләрҙә йәшәүселәрҙең күп һанлы мөрәжәғәттәре ошо акцияны иғлан итеүгә нигеҙ булды. Республика йәмәғәтселеге был сараны бик хуплап ҡабул итте: йәштәр ҙә, ололар ҙа «Башҡортостан» гәзите редакцияһына китаптар, уҡыу әсбаптары, һүҙлектәр килтерҙе. Бөтәһе меңгә яҡын китап йыйылды.

«Беҙҙең килеүҙе ундағы милләттәштәр шул тиклем һағынып көтөп алған. Күренеп тора, шундай әҙәби осрашыуҙарға улар сарсаған. Ә инде беҙ килтергән китаптарҙы шунда уҡ яҙылып алып ҡайта башланылар. Бигерәк тә Башҡортостандың халыҡ шағиры Ҡәҙим Аралбайҙың автографлы китаптарын силәбеләр һөйөнөп ҡабул итте», — тип һөйләне Айгиз Баймөхәмәтов.

Үҙ сиратында, Ҡоншаҡ районы хакимиәте милли әҙәбиәтте пропагандалағандары өсөн ҡунаҡтарға почет грамоталары тапшырҙы. «Башҡортостан» гәзите редакцияһы әле башҡа өлкәләргә лә сығырға иҫәп тота. Акцияны ойоштороусылар — Башҡортостандың Матбуғат һәм киң мәғлүмәт саралары агентлығы, Зәйнәб Биишева исемендәге «Китап» нәшрите, «Башҡортостан», «Йәшлек» гәзите, «Шоңҡар» журналы редакциялары.

1 из 12

#төбәктәрҙәге башҡорттар #әҙәбиәт #киң мәғлүмәт саралары

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.