Пятница, 26 Июня 2026

Уфа

+16 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Мәҙәниәт

09:36 (UTC+5), 11 Июня 2015

Симфония төнөндә милли симфоник оркестр Өфө халҡына ике сәғәтлек open air бүләк итте

Олег Яровиков

IMPORT Сервисный

ӨФӨ, 2015 йыл, 11 июнь. /«Башинформ» мәғлүмәт агентлығы, Ләйлә Аралбаева/. Өфөлә «Симфония төнө» акцияһы тамамланды. Башҡортостандың баш ҡалаһында өсөнсө тапҡыр уҙғарылған проекттың төп маҡсаты — академик музыка сәнғәтен халыҡ араһында пропагандалау. Быйыл асыҡ һауалағы концерт ике майҙансыҡта ойошторолдо. Башҡортостан Мәҙәниәт министрлығының матбуғат хеҙмәте мәғлүмәттәре буйынса, Симфония төнөнә 10 мең кеше килгән: Аксаков исемендәге баҡсаға — дүрт мең, «Башҡортостан» дәүләт концерт залы алдына алты мең тамашасы йыйылған.

Башҡортостандың милли симфоник оркестры дәүләт концерт залының болдоронда сығыш яһаны. Иҫегеҙгә төшөрәбеҙ, бынан һуң республиканың билдәле ижади коллективы ошо бинала урынлашасаҡ. Асыҡ һауалағы сәхнәне меңдәрсә кеше уратып алды. Көндөң ҡояшлы һәм тамашаға инеүҙең ирекле булыуы бик күп сәнғәт һөйөүселәрҙе йәлеп итте. Ленин һәм Киров урамдарында ике сәғәт ярымға транспорт хәрәкәте ябылды.

Башҡортостандың Милли симфоник оркестры классик әҫәрҙәр башҡарҙы. Концертта «Аҡҡош күле» балетынан сюита, Сенс Санстың «Самсон һәм Далила» операһынан «Вакханалия», «Интродукция һәм рондо-каприччиозо», Фореның «Павана», Массненың «Таис» операһынан «Уйланыу», «Арлезианка» сюитаһынан «Фарандола», Бизеның «Кармен» операһының III актына антракт, Берлиоздың «Рим карнавал»ы яңғыраны.

«Минеңсә, программа уңышлы һайланған. Тамашасылар һәр көйҙө әҫәрләнеп тыңланы», — тип билдәләне оркестрҙың баш дирижеры Раушан Яҡупов.

Концертта оркестр тулы составта — 70-тән ашыу кеше уйнаны. Башҡортостандың милли симфоник оркестрының солистары — скрипкасы Илшат Мөслимов, гобойҙа уйнаусы Ирина Табульдина, борғосо Илья Куленко, флейтасы Владимир Семин. Бинаға ҡуйылған видеоэкрандан музыканттарҙың йөҙҙәрен дә күрергә, 2013, 2014 йылдарҙа ойошторолған концерттарҙың иң иҫтәлекле мәлдәрен ҡарарға мөмкин ине.

«Асыҡ һауалағы концерттар музыканттарҙы һәм тамашасыларҙы берләштерә. Беҙҙе классик музыка һөйөүселәр генә түгел, урамдан үтеп барыусылар ҙа тыңлай», — тип иҫәпләй оркестрҙың концертмейстеры Айгөл Моратова.

Симфония сәнғәтен яратыусыларҙы йәнә бер бүләк көтә. Тап бер аҙнанан, 17 июндә, Башҡортостандың милли симфоник оркестры йәйге «Soundtrack-концерт» тәҡдим итәсәк. Унда популяр фильмдарҙан көйҙәр яңғыраясаҡ.

1 из 16

#симфония төнө #open air

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.