Четверг, 16 Апреля 2026

Уфа

+12 °С

Главное Иҡтисад Йәмғиәт Үҙебеҙҙекеләрҙе ташламайбыҙ Мәҙәниәт Сәйәсәт Спорт Хәл-ваҡиғалар

|Последние новости

Главная/Мәҙәниәт

05:24 (UTC+5), 04 Июня 2015

Рөстәм Хәмитов «Йылъяҙма. Башҡортостан. 25» күргәҙмәһен ҡараны

Андрей Старостин

IMPORT Сервисный

ӨФӨ, 2015 йыл, 4 июнь. /«Башинформ» мәғлүмәт агентлығы, Илья Спиридонов/. 3 июндә Өфөлә Башҡортостан Башлығы Рөстәм Хәмитов «Тәбиғәт. Кеше. Мәҙәниәт» халыҡ-ара акцияһының 25 йыллығына арналған «Йылъяҙма. Башҡортостан. 25» күргәҙмәһен асыуҙа ҡатнашты.

Башҡортостандың Милли музейында урынлашҡан экспозицияға сирек быуат дауамында эшләнгән 100-ҙән ашыу фотоһүрәт ҡуйылған. Уларҙың авторҙары – 46 билдәле сит ил һәм Рәсәй фоторәссамдары, шул иҫәптән Шанхай хеҙмәттәшлек ойошмаһы һәм БРИКС илдәре берләшмәһе вәкилдәре. Был еребеҙ, халҡыбыҙ, ошо ваҡыт эсендә Башҡортостанда булған ваҡиғалар тураһында үҙенсәлекле фотоочерк.

– Хәҙер кешеләр менән аралашҡанда һиңә фотоаппараттар, камералар ғына түгел, меңдәрсә кеҫә телефондары төбәлә. Был иһә фото төшөрөүҙең дөйөм күренешкә әйләнеүе хаҡында һөйләй, – тине сәләмләү һүҙендә Рөстәм Хәмитов.

Рәсәй Фоторәссамдар союзы рәйесе, летчик-космонавт, Рәсәй Геройы, Рәсәй Фәндәр академияһының Тәбиғәт фәндәре һәм техника тарихы институты директоры Юрий Батурин һөйләүенсә, «Тәбиғәт. Кеше. Мәҙәниәт» акцияһын үткәрергә республика Башлығы тәҡдим иткән.

– Башҡортостанда фото төшөрөүселәр бик күп, үҙ эшенең оҫталары эшләй, даими рәүештә күргәҙмәләр ойошторола. Минеңсә, Фотография йортон асырға кәрәк, – тип билдәләне Юрий Батурин.

– 25 йыл элек Бөрйән районын һыу баҫты. Беҙ, фоторәссәмдар, Рөстәм Зәки улына килеп, хәлде аңлатҡас, ул: «Йыйынығыҙ, киттек», – тип яуапланы, – тип хәтирәләре менән уртаҡлашты Рәсәй Фоторәссамдар союзы ағзаһы, «Тәбиғәт. Кеше. Мәҙәниәт-2015» акцияһының кураторы Рәмил Килмәмәтов. – Ул ваҡытта ойоштороу, финанс мәсьәләләрен хәл итеү ауыр ине, әммә барыһы ла килеп сыҡты. Рөстәм Зәки улы бер тапҡыр ойоштороу комитеты рәйесе булырға ризалашты һәм бына 25 йыл ул ошо вазифаны биләй.

Иҫегеҙгә төшөрәбеҙ, «Тәбиғәт. Кеше. Мәҙәниәт-2015» халыҡ-ара акцияһы республикала 1990 йылдан алып уҙғарыла. Ул Башҡортостан мәҙәниәтен һәм сәнғәтен үҫтереүгә, экология мониторингына, туризм һәм экотуризм мәҙәниәтен индереүгә, милли парктарҙы, ҡурсаулыҡтарҙы популярлаштырыуға, халыҡ ижадын, йолаларҙы, ғөрөф-ғәҙәттәрҙе һаҡлауға йүнәлтелгән.

Былтыр акция Рәсәйҙең «Көмөш уҡсы» милли премияһының «Биләмәләрҙе үҫтереү һәм камиллаштырыу өлкәһендә иң яҡшы проект» номинацияһында дипломант исемен алды.

«Тәбиғәт. Кеше. Мәҙәниәт-2015» акцияһында Шанхай хеҙмәттәшлек ойошмаһы һәм БРИКС илдәренән, шулай уҡ Рәсәй төбәктәренән фоторәссамдар ҡатнаша. Уның сиктәрендә Баҡалы, Бишбүләк, Дәүләкән, Миәкә, Шаран райондары, Бәләбәй, Октябрьский, Туймазы ҡалалары буйлап фототур, «Берҙәмлек» Халыҡ-ара милли мәҙәниәттәр фестивалендә, һабантуйҙарҙа ҡатнашыу, Мәскәүҙә «Башҡортостан – Рәсәй ынйыһы» фотокүргәҙмәһен ойоштороу ҡаралған.

1 из 18

#күргәҙмәләр #бр башлығы

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.