Өфөнөң «Мираҫ» галереяһында Милә Ғатауллинаның «Мәтрүшкәле сәй» күргәҙмәһе асылды

IMPORT Сервисный

ӨФӨ, 2015 йыл, 13 май. /«Башинформ» мәғлүмәт агентлығы, Ләйлә Аралбаева/. Өфөнөң «Мираҫ» галереяһында Мәскәү рәссамы Милә Ғатауллинаның «Мәтрүшкәле сәй» тип аталған шәхси күргәҙмәһе эшләй башланы. Тыуған йорттоң йылыһына арналған экспозиция пианист Рөстәм Шәйхетдинов башҡарыуында Рөстәм Яхиндың «Китмә, һандуғас!» романсы менән асылды. Күргәҙмәлә 50-гә яҡын сәнғәт әҫәрен күрергә мөмкин. Эштәрҙең һәммәһе лә тыуған төйәккә, уның халҡына һөйөү менән һуғарылған.

Күргәҙмәне асыуҙа автор — Рәсәй һәм Мәскәү Рәссамдар союзы ағзаһы Милә Ғатауллина ҡатнашты.

«Ошо эштәрҙең күбеһе Мәскәүҙә, АҠШ-та, башҡа ҡалаларҙа күрһәтелде, әммә минең өсөн яҡташтарымдың фекере бик мөһим. Күргәҙмәнең исеме серле һан кеүек. Өләсәйҙәребеҙ бешергән мәтрүшкә сәйенең еҫе, тәме һәр кемгә таныш. Бала саҡ хәтирәләрен, хис-тойғоларҙы картиналарымда сағылдырырға тырыштым. Улар һеҙҙең күңелегеҙгә үтеп инер, тип ышанам», — ти Милә Ғатауллина.

Рәссам Өфөлә тыуып үҫкән, 2-се балалар художество мәктәбендә белем алған. Һуңынан Суриков исемендәге Мәскәү дәүләт художестволы сәнғәт академияһы ҡарамағындағы Томский исемендәге лицейҙа уҡый. 1998 йылда Мәскәү дәүләт художестволы сәнғәт академияһын тамамлай. Шул ваҡыттан алып Рәсәйҙә һәм сит илдәрҙә 100-ҙән ашыу күргәҙмәлә ҡатнаша. Уның картиналары Мәскәүҙең Заманса сәнғәт музейында, Нестеров исемендәге Башҡорт дәүләт художество музейында һаҡлана.

Сараға килгән ҡунаҡтарҙы мәтрүшкәле сәй менән һыйланылар. «Радио Шансон» һәм «Love Radio» булышлығында ойошторолған күргәҙмә 16 июнгә тиклем дауам итә. Милә Ғатауллинаның эштәрен «Музейҙар төнө» акцияһы ваҡытында ла ҡарарға мөмкин.

1 из 12

#күргәҙмә

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.