ШОС һәм БРИКС саммиттары алдынан Башҡортостанда «Берҙәмлек» халыҡ-ара милли мәҙәниәт фестивале үтә

ӨФӨ, 2015 йыл, 8 май. /«Башинформ» мәғлүмәт агентлығы, Ләйлә Аралбаева/. 3 июндән 9-на тиклем Башҡортостанда «Берҙәмлек» халыҡ-ара милли мәҙәниәт фестивале үтә.

Быйыл фестиваль ШОС саммиты һәм БРИКС-ҡа ингән дәүләт һәм хөкүмәт башлыҡтары осрашыуының саралар планына индерелгән. Байрам — 2015 йылда Рәсәйҙә ойошторолған алты халыҡ-ара фестивалдәрҙең береһе. Һуңғы ваҡытта ул «Рәсәй мәҙәниәте» федераль маҡсатлы программаһы сиктәрендә уҙғарыла.

Фестивалдә Һиндостандан, Бразилиянан, Ҡытайҙан, Көньяҡ Африка Республикаһынан, шулай уҡ Ҡырғыҙстандан, Үзбәкстандан, Ҡаҙағстандан һәм Тажикстандан 200 кеше ҡатнаша. Башҡортостан исеменән фестиваль уҙасаҡ ҡала һәм райондарҙың ижади коллективтары сығыш яһай. Сағыу концерт программаһынан тыш, биҙәү-ҡулланма сәнғәте йәрминкәһе һәм күргәҙмәһе ойошторола. Унда халыҡ оҫталарының, шул иҫәптән яҡын сит илдәрҙән килгәндәрҙең эштәре тәҡдим ителә.

«Берҙәмлек» фестиваленең программаһы бик бай. 4 июндә фестивалде тантаналы асыу була, 5-дә ҡатнашыусылар Октябрьскийҙағы республика Ҡурай байрамын тамаша ҡыласаҡ. 6-7 июндә Дәүләкән һәм Туймазы райондарында һабантуй уҙа. Сара 8 июндә гала-концерт менән тамамлана.

Фестивалде ойоштороусылар — Рәсәйҙең Мәҙәниәт министрлығы, Рәсәй дәүләт халыҡ ижады йорто, Башҡортостандың Мәҙәниәт министрлығы, Республика халыҡ ижады үҙәге, Октябрьский, шулай уҡ Дәүләкән, Бәләбәй һәм Туймазы райондары хакимиәттәре. Ике тиҫтә йылдан ашыу ваҡытта фестиваль Башҡортостандың визит карточкаһына әүерелгән. Ошо йылдар эсендә унда 50-нән ашыу ил вәкилдәре, 300-гә яҡын делегация ҡатнашҡан.

#милли мәҙәниәт фестивале #«берҙәмлек»

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.