Среда, 15 Апреля 2026

Уфа

+6 °С

Главное Иҡтисад Йәмғиәт Лонгрид Мәҙәниәт Сәйәсәт Спорт Хәл-ваҡиғалар

|Последние новости

Главная/Мәҙәниәт

04:51 (UTC+5), 30 Апреля 2015

Өфөлә «Башинформ» агентлығы фотохәбәрсеһенең «Севастополь! Ҡырым! Еңеү!» күргәҙмәһе асылды

Альберт Заһиров

IMPORT Сервисный

ӨФӨ, 2015 йыл, 30 апрель. /«Башинформ» мәғлүмәт агентлығы, Алик Шакиров/. Өфөлә, Башҡортостан Фәндәр академияһының күргәҙмәләр залында, «Севастополь! Ҡырым! Еңеү!» күргәҙмәһе асылды. Экспозиция авторы, «Башинформ» мәғлүмәт агентлығы фотохәбәрсеһе Олег Яровиков уны Бөйөк Ватан һуғышында Еңеүҙең 70 йыллығына арнаған.

Бөтә фотоһүрәттәр ҙә былтыр Олег Яровиковтың Башҡортостан Республикаһы Хөкүмәтенең Ҡырымдың Белогорск районына ярҙам күрһәтеү буйынса Оператив штабы составында Ҡырым Республикаһына командировкаһы ваҡытында төшөрөлгән. 2014 йылдың 9 майында фотохәбәрсебеҙгә ярымутрау халҡының Ҡырымды һәм Севастополде немец-фашист илбаҫарҙарынан азат итеүгә 70 йыл тулыуҙы байрам иткән Севастополдә булыу бәхете тейҙе.

Күргәҙмәне асыуҙа Башҡортостан Республикаһы Хөкүмәтенең Ҡырымдың Белогорск районына ярҙам күрһәтеү буйынса Оператив штабы етәксеһе Сергей Новиков, Рәсәй Фоторәссамдар союзының республика бүлексәһе рәйесе Рәмил Килмәмәтов, Өфө дәүләт нефть техник университеты профессоры Олег Мельников, Башҡортостан дәүләт хеҙмәте һәм идара итеү академияһы ректоры Сергей Лаврентьев, билдәле фоторәссам һәм фотохәбәрсе Вячеслав Стрижевский, журналистика ветераны Марсель Сәлимов, совет йылдарында студенттарҙың төҙөлөш отрядтарын ойоштороусыларҙың береһе Марат Шәрипов, Олег Яровиковтың коллегалары һәм дуҫтары сығыш яһаны. Уларҙың барыһы ла күргәҙмәгә ҡуйылған эштәрҙең үҙенсәлеклеген, авторҙың юғары профессионаллеген билдәләне. Ысынлап та, фотоһүрәттәр ҡырымдарҙың кәйефен, Ҡырымды һәм Севастополде немец-фашист илбаҫарҙарынан азат итеүгә 70 йыл тулыуҙы байрам итеүгә һәм Рәсәйгә ҡушылыуға бәйле шатлыҡтарын сағылдыра.

Күргәҙмә Башҡортостан Хөкүмәтенең Ҡырым Республикаһының Белогорск районына ярҙам күрһәтеү буйынса Оператив штабы, Башҡортостан Хөкүмәтенең матбуғат хеҙмәте, республиканың Фәндәр академияһы, «ТурбинаСпецСервис» етештереү предприятиеһы, Рәсәйҙең Фоторәссамдар союзы булышлығында ойошторолған.

Күргәҙмә май аҙағына тиклем дауам итә.

Белешмә. Олег Витальевич Яровиков 1965 йылдың 18 февралендә тыуған. Өфөлә белем алған. 1983-1986 йылдарҙа «Ленинсы» йәштәр гәзитендә тәүге фотоһүрәттәре баҫыла.

Ул республика баҫма матбуғатындағы, фотоһүрәттәр китаптарындағы иллюстрацияларҙың авторы, күп күргәҙмәләрҙә ҡатнаша. Шуларҙың береһе «Башинформ» агентлығының матбуғат конференцияһы залында ҡуйылған.

2002 йылдан Олег Яровиков «Башинформ» мәғлүмәт агентлығында фотохәбәрсе булып эшләй.

1 из 20

#фотокүргәҙмә #еңеүҙең 70 йыллығы

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.