«Тамыр» балалар телеканалы Бөйөк Еңеүҙең 70 йыллығы уңайынан байрам ойоштора

IMPORT Сервисный

ӨФӨ, 2015 йыл, 8 апрель. /«Башинформ» мәғлүмәт агентлығы, Ләйлә Аралбаева/. «Башҡортостан» ТРК ДУП-ның «Тамыр» балалар телеканалы Бөйөк Еңеүҙең 70 йыллығына арнап кескәйҙәр өсөн ҙур байрам ойоштора. Тамаша 14 апрелдә «Башҡортостан» дәүләт концерт залында үтә.

Байрамға почетлы ҡунаҡтар сифатында Бөйөк Ватан һуғышы ветерандары саҡырылған. Концертта телеканалдың алып барыусылары, «Тамыр» вокаль ансамбленең йәш йырсылары, «Сулпылар» республика телевизион конкурсы еңеүселәре, «Таланттар йондоҙлоғо» һаулыҡ мөмкинлектәре сикләнгән балалар ижады конкурсы лауреаттары, Өфө кадет корпусының «Веселинка» һәм «Дуҫлыҡ» бейеү коллективтары, Ғ.Әлмөхәмәтов исемендәге республика гимназияһы музыканттары ҡатнаша. Сәхнәлә 200-ҙән ашыу йәш артистар сығыш яһаясаҡ.

— Концертты балалар үҙҙәре алып бара. Иң йәш алып барыусыбыҙ Сәлимәгә биш кенә йәш, әммә ул, бер ҙә оялып тормайынса, өлкәндәр менән бер рәттән репетицияға йөрөй, кейемдәрен дә үҙе һайлай. Концерт өсөн махсус рәүештә 17 йыр яҙҙырылған. Балалар башҡарыуындағы һуғыш осоро йырҙары күңелгә айырыуса ныҡ үтеп инә. Йәш тамашасыларҙы һәм уларҙың ата-әсәләрен онотолмаҫлыҡ музыкаль мажара, күңелле уйындар, бүләктәр һәм тәм-томдар көтә, — тип хәбәр итте Башҡортостан юлдаш телевидениеһының матбуғат секретары Альбина Ғатауллина.

Балалар өсөн тәмлекәстәрҙе «Стерх» Стәрлетамаҡ икмәк комбинаты әҙерләй. Сараның бағыусылары — «ОргНефтеГаз» ғилми-етештереү предприятиеһы, «Эдвис» уҡыу-методик үҙәге, эшҡыуар Фәйрүзә Ниғмәтуллина.

Башҡортостан юлдаш телеканалы тамашасылары концертты 9 майҙа ҡарай аласаҡ.

#еңеүҙең 70 йыллығы #«тамыр» телеканалы #балалар байрамы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.