Мәләүездә Фәйзи Ғәскәров исемендәге призға төбәк-ара халыҡ бейеүҙәре ансамбле фестивале уҙғарыла

IMPORT Сервисный

ӨФӨ, 2015 йыл, 7 апрель. /«Башинформ» мәғлүмәт агентлығы, Ләйлә Аралбаева/. 15 апрелдән 17-нә тиклем Мәләүездә Фәйзи Ғәскәров исемендәге призға төбәк-ара халыҡ бейеүҙәре ансамбле фестивале уҙғарыла.

Унда үҙешмәкәр халыҡ бейеүҙәре ансамблдәре сығыш яһаясаҡ, һуңынан гала-концерт һәм еңеүселәрҙе бүләкләү тантанаһы буласаҡ. Ҡатнашыусыларҙы Башҡортостандың һәм Рәсәйҙең күренекле мәҙәниәт һәм сәнғәт эшмәкәрҙәренән торған компетентлы жюри баһалаясаҡ.

Халыҡ бейеүҙәре ансамблдәренең төбәк-ара фестивале үҙешмәкәр бейеү сәнғәте ҡаҙаныштарын пропагандалау, халыҡ бейеүҙәре ансамблдәренең һөнәри кимәлен күтәреү, ижади йәштәрҙең халыҡ хореографияһына ҡыҙыҡһыныуын көсәйтеү маҡсатында ойошторола. Ғәҙәттәгесә, фестивалгә Ырымбур, Силәбе, Һамар өлкәләренән коллективтар килә.

Жюри составында «Мираҫ» йыр һәм бейеү фольклор ансамбленең баш балетмейстеры, Р.Нуриев исемендәге Башҡорт хореография колледжы уҡытыусыһы, Башҡортостандың атҡаҙанған артисы Әлфиә Тимерғәзиева, Ф.Ғәскәров исемендәге дәүләт академия халыҡ бейеүҙәре ансамбленең художество етәксеһе, Башҡортостандың халыҡ артисы, С.Юлаев исемендәге республика премияһы лауреаты Риф Ғәбитов эшләйәсәк. Жюри рәйесе — Рәсәйҙең һәм Мари Иле Республикаһының атҡаҙанған сәнғәт эшмәкәре Геннадий Гусев.

Сараның ойоштороусылары — Башҡортостандың Мәҙәниәт министрлығы, Республика халыҡ ижады үҙәге, Мәләүез районы хакимиәте. Тәүге тапҡыр фестиваль 1987 йылда үткәрелә. Һуңынан өс йылға бер уҙғарыла башлай.

Белешмә өсөн телефондар: (347) 289-62-00, 8-917-484-59-16.

#фестиваль #халыҡ бейеүҙәре ансамбле

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.