Башҡорт драма театры яҙыусы Гөлнур Яҡупова менән осрашыуға саҡыра

ӨФӨ, 2015 йыл, 6 апрель. /«Башинформ» мәғлүмәт агентлығы, Ләйлә Аралбаева/. 10 апрелдә М.Ғафури исемендәге Башҡорт драма театрында «Театр+» мәҙәни-мәғариф проекты сиктәрендә сираттағы Әҙәби тирмә асыла. Был юлы әҙәбиәт һөйөүселәрҙе башҡорт яҙыусыһы Гөлнур Яҡупова менән осрашыу көтә.

Программала — авторҙың һәм коллегаларының хәтирәләре, һорауҙарға яуаптар, яҙыусы уҡыуында әҫәрҙәр. Әҙәби тирмәлә студенттар, уҡытыусылар, китап уҡыусылар ҡатнаша.

Гөлнур Яҡупова — тиҫтәнән ашыу китап авторы. 2013 йылда уның «Ҡатындар» трилогияһы донъя күрҙе. Яҙыусының балалар өсөн «Ярғанат», «Ғәжәп хәбәр» тигән ҡыҙыҡлы һәм фәһемле китаптары ла бар. Шиғырҙары Башҡорт шиғриәте антологияһына («Быуаттар тауышы») ингән. Гөлнур Яҡупова — художестволы тәржемә оҫтаһы. Ул рус һәм донъя әҙәбиәте классиктарының һәм хәҙерге заман авторҙарының әҫәрҙәрен башҡорт теленә тәржемә иткән. Гөлнур Яҡупова «Ҡыҙыл китап аманаты» исемле ике томлығында тыуған яғының матурлығына дан йырлай, тәбиғәтте һаҡларға саҡыра. Башҡортостандың Мәғариф министрлығы был баҫманы мәктәптәр өсөн махсус нәшер иткән, тип билдәләнеләр театрҙың әҙәби бүлегендә.

Осрашыу театрҙың Бәләкәй сәхнәһендә киске сәғәт 7-лә башлана.

#әҙәби тирмә

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.