«Башҡортостан» дәүләт концерт залында башҡорт эстрадаһы йондоҙҙары ҡатнашлығында хәйриә концерты була

IMPORT Сервисный

ӨФӨ, 2015 йыл, 1 апрель. /«Башинформ» мәғлүмәт агентлығы, Ләйлә Аралбаева/. 7 апрелдә «Башҡортостан» дәүләт концерт залында «Иман нуры — халҡыма» республика хәйриә акцияһы сиктәрендә башҡорт эстрадаһы йондоҙҙары ҡатнашлығында хәйриә концерты үтә. Был ғәҙәти концерт йәки тамаша түгел. Ойоштороусылар әйтеүенсә, һәр тамашасы, сәхнәлә сығыш яһаусы һәр артист мәсет төҙөүгә үҙ өлөшөн индерә. Концертҡа билет һатыуҙан йыйылған аҡса билдәле диктор Флүрә Мурзинаның тыуған яғында — Балаҡатай районы Үрге Үтәш ауылында мәсет төҙөүгә күсерелә.

2012 йылда «Ҡурай» телеканалы ойошторған тәүге хәйриә акцияһында йыйылған килем мәсеттең нигеҙен һалыу өсөн тотонолған. Бөгөнгө көндә мәсет төҙөлөп, ҡыйығы ябылған. Быйыл сараны ойоштороуҙы «Башҡортостан» ТРК ДУП-һы үҙ өҫтөнә алды. Проекттың продюсеры — Айгөл Әхмәҙиева, ҡуйыусы режиссеры — Франгизә Илбәкова.

— Иншалла, һуңғы ваҡытта динебеҙ нығына бара. Республика ҡала һәм райондарында мәсеттәр ҡалҡа, манараларынан яңғыраған аҙан тауыштары быуындарҙы, тарих һәм хәҙерге заманды бәйләй кеүек. Халыҡҡа абруйлы кешеләрҙең өлгөһө кәрәк. Һәр беребеҙ ил бәҫен күтәрә ала, — тип билдәләне Айгөл Әхмәҙиева.

Концертта йырсылар Светлана Арғынбаева, Азалия һәм Урал Рәшитовтар, Альберт Шаһиев, Әлфиә Юлсурина, Резеда Әминева, Фәрүәз Урманшин, Рәдиф Зарипов, Радик Динәхмәтов, Гүзәл Аҫылбаева, Вилдан Яруллин, Зилә Бәхтиева һәм «Арғымаҡ» этно-рок төркөмө ҡатнаша. Алып барыусылар — Флүрә Мурзина менән Таһир Вәхитов.

Тамаша киске сәғәт 7-лә башлана.

#хәйриә акцияһы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.