Башҡорт шағирәһе халыҡ-ара шиғриәт конкурсында лауреат исемен яуланы

IMPORT Сервисный

ӨФӨ, 2015 йыл, 26 март. /«Башинформ» мәғлүмәт агентлығы, Ләйлә Аралбаева/. Шағирә Гөлнара Хәлфетдинова Кайгусуз Абдал исемендәге халыҡ-ара шиғриәт конкурсында лауреат исемен яуланы.

Бәйгене «Gunsel sanat» («Заманса сәнғәт») журналы Евразия, Кипр һәм Балҡан ярымутрауының Төрки телле яҙыусылары союзы менән берлектә ойошторҙо. Ошо көндәрҙә уҙған йылдың сентябрендә башланған ижади конкурсҡа йомғаҡ яһалды.

Алты сит ил шағиры лауреат исеменә лайыҡ булды, улар араһында Рәсәйҙән ике автор — Ҡырымдан Әминә Хөсәйен менән Башҡортостандан Гөлнара Хәлфетдинова бар.

Гөлнара Хәлфетдинова конкурсҡа төрөк теленә ауҙарылған «Бағышлау» һәм «Бер бүре бар минең йөрәгемдә» шиғырҙарын тәҡдим иткән.

— 28 апрелдә Төркиәнең Аланья ҡалаһында бәйге лауреаттарын бүләкләү тантанаһы уҙа. Конкурста төрлө номинациялар һәм премиялар ҙа булды. Ойоштороусылар хәбәр итеүенсә, миңә Аланья ҡалаһы хакимиәтенең премияһы тапшырыла, — тип һөйләне шағирә.

Шағирә һәм журналист, «Башҡортостан ҡыҙы» журналының әҙәбиәт, мәҙәниәт, сәнғәт һәм мәғариф бүлеге мөхәррире, Башҡортостан Яҙыусылар союзы ағзаһы Гөлнара Хәлфетдинова Әбйәлил районының Хәмит ауылында тыуған. Башҡорт дәүләт университетының филология факультетын тамамлаған. Гөлнара Хәлфетдинова — «Ҡыңғыраулы ғына яланда» йыйынтығы авторы, шиғырҙары республика, Рәсәй һәм сит ил баҫмаларында даими донъя күрә.

#шиғриәт #конкурстар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.