Республикала ҡумыҙсылар һәм өзләүселәр оҫталыҡтарын күрһәтәсәк

IMPORT Сервисный

ӨФӨ, 2015 йыл, 20 март. /«Башинформ» мәғлүмәт агентлығы, Ләйлә Аралбаева/. 9 һәм 10 апрелдә Мәсетле районының Оло Ыҡтамаҡ ауылында Төбәк-ара ҡумыҙсылар һәм өзләүселәр конкурсы үтә.

Бәйге бишенсе тапҡыр уҙғарыла. Был күләмле сарала Башҡортостандан ғына түгел, шулай уҡ Алтай, Саха (Яҡут) республикаларынан, Пермь, Мәскәү, Силәбе ҡалаларынан 300-гә яҡын кеше ҡатнаша.

Конкурстың маҡсаты — башҡорт халҡының үҙенсәлекле музыка ҡоралын тергеҙеү, һаҡлау һәм пропагандалау, ҡумыҙ һәм өзләү сәнғәтен популярлаштырыу.

Башҡарыусыларҙың оҫталығы йылдан-йыл арта. Быға 2014 йылда Өфөлә ҡумыҙҙа уйнаусылар һәм өзләүселәр өсөн семинар үткәреү ҙә булышлыҡ итте. Семинарҙа ҡатнашыусылар Роберт Заһретдинов, Миңлеғәфүр Зәйнетдинов, Илһам Байбулдин кеүек виртуоз ҡумыҙсыларҙың тәжрибәһен үҙләштерә алды. Улар Алтай Республикаһынан «Тандак» халыҡ һәм өлгөлө ансамбль етәксеһе Роман Саланханов, Саха (Яҡут) Республикаһы варгансыларының халыҡ-ара йәмғиәте идараһы ағзаһы Ким Борисов менән берлектә жюри составында эшләйәсәк, тип хәбәр иттеләр ойоштороусылар.

Сараға ҡунаҡ сифатында республика тамашасылары яратып өлгөргән, 2013 йылда Гран-при яулаған, «Урал моңо-2014» халыҡ-ара конкурс-фестивале дипломанты Тюрген Камдың (Силәбе) килеүе көтөлә.

Конкурста ҡатнашыу өсөн ғаризаларҙы gukrcnt@mail.ru адресы буйынса ебәрергә кәрәк. Белешмә өсөн телефон: (347) 289-65-50, 289-66-96. Ғаризалар 2015 йылдың 1 апреленә тиклем ҡабул ителә.

Бәйгене Башҡортостандың Мәҙәниәт министрлығы, Республика халыҡ ижады үҙәге һәм Мәсетле районы хакимиәте ойоштора.

#конкурс

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.