Четверг, 16 Апреля 2026

Уфа

+9 °С

Главное Иҡтисад Йәмғиәт Лонгрид Мәҙәниәт Сәйәсәт Спорт Хәл-ваҡиғалар

|Последние новости

Главная/Мәҙәниәт

13:14 (UTC+5), 20 Марта 2015

Өфөлә Мольерҙың «Һаран» комедияһының премьераһы буласаҡ

IMPORT Сервисный

ӨФӨ, 2015 йыл, 20 март. /«Башинформ» мәғлүмәт агентлығы, Ләйлә Аралбаева/. М.Ғафури исемендәге Башҡорт дәүләт академия драма театрында Жан-Батист Мольерҙың «Һаран» комедияһынан өҙөктәр күрһәтелде. Һуңынан спектаклдең режиссеры Искәндәр Саҡаев һәм төп ролде башҡарыусылар яңы пьеса өҫтөндә эшләүҙәре хаҡында һөйләне, журналистарҙың һорауҙарына яуап бирҙе.

— Барыһы ла кәмселектәрҙе, ҡаршылыҡтарҙы, яһалма мөнәсәбәттәрҙе көтә — быларҙың һәммәһе лә бар, ләкин мауығыусан кешенең тәбиғәте аша үткәрелгән. Пьесалағы бөтә персонаждар ҙа, беҙҙең тормошобоҙҙағы кеүек үк, нимә менәндер шөғөлләнә. Был мауығыуҙы тыйырлыҡ түгел. Беҙ 17-18 быуаттарҙағы тарих хаҡында түгел, ә үҙебеҙ тураһында бәйән итәбеҙ, — ти Искәндәр Саҡаев.

Донъя классикаһының тап ошо әҫәрен сәхнәләштерергә режиссер үҙе тәҡдим иткән. Өфө тамашасыһына ул «Эдип батша» спекталенең режиссеры булараҡ яҡшы таныш.

Спектаклдең премьераһы 21 мартҡа тәғәйенләнгән. Икенсе тапҡыр пьеса 27 мартта, Халыҡ-ара театр көнөндә күрһәтеләсәк. Был көндө Рәсәйҙең һәм Башҡортостандың халыҡ артисы Хөрмәтулла Үтәшевтың бенефисы үткәрелә. Башҡорт театрының популяр артистарының береһе төп ролде Гарпагонды уйнай. Пьесаны рус теленән башҡортсаға Хөрмәтулла Үтәшев тәржемә иткән.

— Хөрмәтулла Үтәшев бөтә ролдәрҙе лә оҫта башҡара ала, мөмкинлек бирергә генә кәрәк. Юморҙы, форманы, йөкмәткене яҡшы аңлай. Әлегә тиклем Эдип булды, хәҙер — Һаран. Уның менән эшләүемә бик шатмын һәм бәхетлемен, — ти Искәндәр Саҡаев.

1 из 20

#премьера #башҡорт драма театры

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.