Педагог Рәсимә Ураҡсина Өфө уҡыусылары менән тасуири уҡыу буйынса оҫталыҡ дәресе үткәрҙе

Милли китапхананың матбуғат хеҙмәте

IMPORT Сервисный

ӨФӨ, 2015 йыл, 18 март. /«Башинформ» мәғлүмәт агентлығы, Ләйлә Аралбаева/. Әхмәт-Зәки Вәлиди исемендәге Милли китапхананың башҡорт әҙәбиәте һәм крайҙы өйрәнеү бүлегендә филология фәндәре кандидаты, шағирә, билдәле педагог Рәсимә Ураҡсина «Балаларҙың ижади һәләттәрен асыҡлау» темаһына дәрес үткәрҙе. Дәрескә Фатима Мостафина исемендәге 20-се Өфө ҡала башҡорт гимназияһының 6 класс уҡыусылары килде.

Рәсимә Ураҡсина шиғырҙарҙы ижад итеү нескәлектәре хаҡында бәйән итте, шиғри әҫәрҙәрҙе уҡығанда дөрөҫ тын алыу күнекмәләрен күрһәтте. Рәми Ғариповтың «Туған тел» шиғыры миҫалында фразаларға, ым-ишараға, айырым һүҙҙәрҙең яңғырашына баҫым яһаны. Алынған күнекмәләрҙе файҙаланып, балалар рәхәтләнеп шиғыр уҡыны.

— Йыл һайын бүлек хеҙмәткәрҙәре китап уҡыусылар менән төрлө саралар ойоштора. Әҙәбиәт йылында яҙыусылар, шағирҙар менән осрашыуҙарҙан тыш, ижади лабораториялар, китаптарҙың исем туйҙары үткәрелә башланы. Үҙ эшенең оҫтаһы, ысын мәғәнәһендә уҡытыусы Рәсимә Ураҡсина ғәҙәти булмаған осрашыу уҙғарып, балалар йөрәгендә ут һәм күҙҙәрендә осҡон ҡабыҙа алды, — тип хәбәр итте бүлек мөдире Айгөл Буранғолова.

«Аҡбуҙат» журналының баш мөхәррир урынбаҫары Айнар Байбулатов уҡыусыларға ныҡлы белем алыуҙарын теләне һәм уларға «Аҡбуҙат», «Аманат» журналдарының һуңғы һандарын бүләк итте. Баҫмаға үҙҙәренең ижад емештәрен ебәреүҙәрен һораны. Айнар Байбулатов иң яҡшы шиғыр уҡыған һәм үҙҙәре яҙған шиғырҙарын һөйләгән өсөн балаларға иҫтәлекле бүләктәр тапшырҙы.

#ижади осрашыу #әҙәбиәт йылы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.