Понедельник, 25 Мая 2026

Уфа

+19 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Мәҙәниәт

10:59 (UTC+5), 13 Марта 2015

Фәйзи Ғәскәров исемендәге дәүләт халыҡ бейеүҙәре ансамбленең иң яҡшы хеҙмәткәрҙәре почет грамоталары менән бүләкләнде

IMPORT Сервисный

ӨФӨ, 2015 йыл, 13 март. /«Башинформ» мәғлүмәт агентлығы, Ләйлә Аралбаева/. Бөгөн Фәйзи Ғәскәров исемендәге дәүләт академия халыҡ бейеүҙәре ансамблендә коллектив хеҙмәткәрҙәрен дәүләт учреждениелары һәм йәмәғәт ойошмаларының почет грамоталары менән бүләкләнеләр. Сара ижади коллективтың 75 йыллығы айҡанлы ойошторолдо.

Ун балет артисы, оркестрҙың өс музыканты һәм хужалыҡ бүлеге хеҙмәткәрҙәре Башҡортостандың бейеү сәнғәтен үҫтереүгә ҙур өлөш индергәндәре өсөн республика Мәҙәниәт министрлығының почет грамоталары менән бүләкләнде. Оркестрҙың алыштырғыһыҙ етәксеһе, Рәсәйҙең атҡаҙанған артисы, Башҡортостандың атҡаҙанған сәнғәт эшмәкәре Риф Моратшин да министрлыҡ наградаһы менән билдәләнде.

Балет буйынса репетитор Наил Сәрүәров, балет артистары Рузанна Исламова, Азамат Нуриманов, оркестр артисы Олег Хәзиев намыҫлы хеҙмәте, юғары һөнәри оҫталығы һәм ҡала тормошонда әүҙем ҡатнашҡандары өсөн Өфө хакимитенең почет грамоталарына лайыҡ булды.

Өфө ҡалаһы Киров районының һигеҙ почет грамотаһы балет артистары Эльвира Муллағоловаға, Лариса Бәҙретдиноваға, Екатерина Запоноваға, оркестр артисы Альфред Кашаповҡа һәм башҡаларға бирелде. «Ансамбль башҡорт балы, ҡурай менән бер рәттән Башҡортостандың визит карточкаһы булып тора», — тип билдәләне Киров районы башлығы урынбаҫары Миңзифа Көмөшҡолова.

Бөтә донъя башҡорттары ҡоролтайының башҡарма комитеты сағыу сәхнә йондоҙҙары, педагогтар Гүзәл Абсаттароваға һәм Рим Әбделмәновҡа маҡтау ҡағыҙҙары әҙерләгән.

— Фәйзи Ғәскәров исемендәге ансамбль донъя кимәлендә башҡорт бейеүен пропагандалай. Дәүләт гербы, гимны һәм флаг менән бер рәттән ул республикабыҙҙың төп атрибуттарының береһе һанала. Башҡарыусылар быуынының алмашыныуы коллективығыҙ кимәлендә сағылыш тапмай, — тип һыҙыҡ өҫтөнә алды Бөтә донъя башҡорттары ҡоролтайы башҡарма комитеты рәйесенең беренсе урынбаҫары, Башҡортостандың Дәүләт Йыйылышы депутаты Хәләф Ишморатов.

Ансамблдең юбилейына арналған гала-концерт 14 мартта «Башҡортостан» дәүләт концерт залында уҙа.

1 из 20

#фәйзи ғәскәров исемендәге халыҡ бейеүҙәре ансамбле

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.