Мәскәүҙә башҡорт рәссамы сирле балаларға ярҙам йөҙөнән хәйриә акцияһын башланы

IMPORT Сервисный

ӨФӨ, 2015 йыл, 2 март. /«Башинформ» мәғлүмәт агентлығы, Гөлсәсәк Ханнанова/. Предприятие, банк, компания етәкселәренең, сәнғәт һөйөүселәрҙең, хәлле кешеләрҙең ауырыу балаларға ярҙам күрһәтеү мөмкинлеге бар: башҡорт рәссамы Раушания Бәҙретдинова һәм Башҡортостан Республикаһының Рәсәй Федерацияһы Президенты ҡарамағындағы Тулы хоҡуҡлы вәкиллеге башланғысы буйынса яңы хәйриә акцияһы старт алды. 1 марттан 17-нә тиклем һәр кем Раушания Бәҙретдинованың картинаһын һатып алыу мөмкинлегенә эйә. Оҡшаған эште рәссамдың сайтында һайларға, ә һатыуҙан килгән аҡсаларҙы «Мәрхәмәт» (Өфө) һәм «Ғүмер бүләк ит» (Мәскәү) хәйриә фондтарына күсерергә була. Шуның менән бергә әҫәрҙәрҙең төп нөсхәһен алдағы ике аҙнала баш ҡалалағы республиканың Тулы хоҡуҡлы вәкиллегендә күрергә мөмкин. 17 мартта киске сәғәт 5-тә Мәскәү Милләттәр йортонда Раушания Бәҙретдинованың шәхси күргәҙмәһен асыу тантанаһында акцияға йомғаҡ яһаласаҡ.

Раушания Бәҙретдинова бындай акцияла беренсе тапҡыр ғына ҡатнашмай. Башҡортостанда ул 2014 йыл йомғаҡтары буйынса әүҙем хәйриә эшмәкәрлеге алып барған өсөн «Йыл кешеһе» тип танылды. Ул Стәрлебаш районының Йәшергән ауылында тыуған һәм бөгөнгө көндә «Ағиҙел буйындағы ҡала», «Төш», «Фәрештәләрем», «Автопортрет», «Намаҙ», «Аҙан», «Уян» һәм башҡа рәсемдәр авторы.

Раушания Бәҙретдинова — Рәсәйҙең һәм Башҡортостандың Рәссамдар союзы һәм Дизайнерҙар союзы ағзаһы, ЮНЕСКО-ның халыҡ-ара һынлы сәнғәт ассоциацияһы ағзаһы. Рәссамдың шәхси күргәҙмәһе Мәскәүҙә тәүге тапҡыр ойошторола. Әммә уның эштәре Рәсәй, Украина, Намибия, Канада, АҠШ, Австрия, Германия, Нидерландтар, Төркиә илдәрендәге картина галереяларында, шул иҫәптән Мирей Матье, Филипп Киркоров, Кристина Орбакайте, Юрий Шевчук, Владимир Кузьмин һәм башҡа «йондоҙҙар»ҙың шәхси коллекцияларында һаҡлана.

1 из 12

#шәфҡәтлелек

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.