Өфөлә режиссер Айнур Асҡаров «Әсә» фильмын тәҡдим итте

ӨФӨ, 2015 йыл, 17 февраль. /«Башинформ» мәғлүмәт агентлығы, Ләйлә Аралбаева/. Өфөнөң «Кинопростор» комплексында «Әсә» тип аталған яңы нәфис фильм күрһәтелде. Фильмдан һуң йәмәғәтселек вәкилдәре, әҙәбиәтселәр үҙҙәренең фекерен белдерҙе, ә кино төшөрөүселәр журналистарҙың һорауҙарына яуап бирҙе.

Ярты сәғәтлек фильм «Аркайым продакшн» студияһы тарафынан төшөрөлгән. Режиссер Айнур Асҡаров «Еңмеш» һәм «Бал әсеһе» исемле эштәре менән республикала киң билдәле. Сценарийҙы драматург Шәүрә Шәкүрова «Саҡ менән Суҡ» боронғо төрки эпосына нигеҙләнеп яҙған.

Фильмдың төп героиняһы Шәүрәне бәләкәй сағында уҡ әсәһе ташлап киткән. Ул кейәүгә сығырға хыяллана, әммә уға игеҙәк улдары Руслан менән Арслан ҡамасаулай. Үҙенең ҡарғышы арҡаһында балаларын мәңгелек ғазаптарға дусар итә яҙа.

— Донъя мәҙәниәтендә әсә ҡарғышын алыу мөмкин түгел тиелһә лә, беҙ быны эшләп ҡараныҡ. Минең өсөн иң мөһиме — героиняға өмөт биреү, — тип һөйләне Шәүрә Шәкүрова.

Сығыш яһаусыларҙың барыһы ла актерҙарҙың оҫта уйнауын билдәләне. Игеҙәктәрҙе Йылайыр районынан Айгиз һәм Нургиз Таҡаловтар, Шәүрәне Башҡорт дәүләт драма театры актрисаһы Юлиә Ғәләүетдинова, Ританы актриса һәм телевидение алып барыусыһы Ғәлиә Вәхитова, олатай ролен популяр актер һәм режиссер Азат Йыһаншин башҡарған.

«Әсә» фильмы 2014 йылда биш миллионлыҡ президент грантына лайыҡ булды. Картинаның жанрын режиссер мистик драма тип билдәләгән. Фильм рус теленә лә тәржемә ителгән.

Тиҙҙән фильм Өфө һәм республика кинотетрҙарында прокатҡа сыға. Уны Стәрлетамаҡ, Октябрьский, Белорет, Баймаҡ, Сибай ҡалалары халҡы ҡараясаҡ. «Башҡортостан» телерадиокомпанияһының баш мөхәррире Гүзәл Хәсәнова хәбәр итеүенсә, прокаттан һуң уны Башҡортостан юлдаш телевидениеһында ла күрһәтәсәктәр.

#кино

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.