Республикала Айҙар Байыҡ сәсән исемендәге сәсәндәр бәйгеһе башлана

ӨФӨ, 2015 йыл, 13 февраль. /«Башинформ» мәғлүмәт агентлығы, Ләйлә Аралбаева/. 15 февралдә Башҡортостанда Әҙәбиәт йылы айҡанлы Айҙар Байыҡ сәсән исемендәге сәсәндәр бәйгеһе башлана.

Конкурстың маҡсаты — халыҡтың ауыҙ-тел ижадын пропагандалау һәм сәсәндәр мәктәбен тергеҙеү. Бәйгелә төрлө йәштәге сәсәнлек һәләте булған һәр кем ҡатнашыу хоҡуғына эйә. Ҡатнашыусының мотлаҡ ауыҙ-тел ижады ҡомартҡыларын, эпостарҙы яҡшы белеүе зарур.

— Конкурсанттар уй-фекерҙәрен, ҡараштарын сәсәндәргә хас жанрҙарҙа (ҡобайыр, бәйет, әйтеш, сеңләү) бәйән итергә тейеш. Сәсәнлекте шиғыр, йыр һәм таҡмаҡтар менән бутамауығыҙҙы һорайбыҙ, — тип аңлатма бирҙеләр ойоштороусылар.

Бәйге интернет селтәрендә бара, иң яҡшы эштәр «Шоңҡар» журналы биттәрендә донъя күрәсәк. Сәсәндәр ярышы ике этапта үтә. Беренсеһендә бөтә ҡатнашыусыларға ла ете тема тәҡдим ителәсәк. Һәр эште танылған фольклорсы, профессор Әхмәт Сөләймәнов рәйеслегендәге жюри, шулай уҡ интернет ҡулланыусылар ҡараясаҡ. Иң яҡшы эштәр икенсе турға сыға. Ул июнь айында Салауат йыйынында уҙа.

Шулай уҡ конкурсанттар өлкән быуындан ҡалған халыҡ ижады өлгөләрен тәҡдим итә ала. Улар айырым бүләкләнәсәк.

Проектты ойоштороусылар — «Шоңҡар» журналы һәм Республика халыҡ ижады үҙәге. Тулыраҡ — «Бәйләнештә» селтәрендәге төркөмдә.

Теги:әҙәбиәт йылы сәсәндәр конкурсы

Читайте нас:

Рубрики

Электрон почта

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

[email protected]

Кире бәйләнеш

© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».