Күгәрсен районында Зәйнәб Биишева исемендәге әҙәби премияһын тапшырыу тантанаһы үтте

IMPORT Сервисный

ӨФӨ, 2015 йыл, 5 февраль. /«Башинформ» мәғлүмәт агентлығы, Ләйлә Аралбаева/. Күгәрсен районында Башҡортостандың халыҡ яҙыусыһы, Салауат Юлаев исемендәге дәүләт премияһы лауреаты Зәйнәб Биишева исемендәге район әҙәби премияһын тапшырыу тантанаһы уҙҙы. Быйыл уға Әхмәт Искәндәров менән Ғәлиән Хәсәнов лайыҡ булды.

Әхмәт Искәндәров — Рәсәйҙең атҡаҙанған мәҙәниәт хеҙмәткәре, филология фәндәре кандидаты, З.Биишева исемендәге мәғарифты һәм мәҙәниәтте үҫтереү хәйриә фонды президенты. Ул З.Биишеваның әҫәрҙәрен яңынан баҫтырып сығарыу, Туйымбәт ауылындағы йорт-музейҙа һәм Күгәрсен районының Мораҡ ауылы үҙәгендә яҙыусының бюсын ҡуйыуҙы ойоштороу буйынса байтаҡ эштәр башҡарған.

Ғәлиән Хәсәнов — Рәсәй һәм Башҡортостан журналистары союзы ағзаһы. Ул Күгәрсен районы хаҡында китаптар, брошюралар, буклеттар сығарыуға, райондың Йомағужа, Тәүәкән, Сапыҡ, Туйымбәт ауылдарының тарихына арналған китаптар нәшер итеүгә, Зәйнәб Биишеваның тыуыуына 100 һәм 105 йыл тулыуға ҡарата буклеттар эшләүгә ҙур өлөш индергән.

Урындағы хакимиәттең мәғлүмәт-аналитик бүлегенән хәбәр итеүҙәренсә, Зәйнәб Биишева исемендәге премияны тапшырыу районда Әҙәбиәт йылын асыу тантанаһына тура килде. Йола буйынса ҡунаҡтар иң тәүҙә яҙыусының тыуған ауылы Туйымбәттә урынлашҡан йорт-музейға туҡталды. Әҙибәнең тормош юлы, уның нәҫеленең шәжәрә ағасы менән танышҡандан һуң, тантаналы сара Мәҡсүт ауылының мәҙәниәт йортонда дауам итте. Сәхнәнән Зәйнәб Биишеваның шиғырҙарына ижад ителгән йырҙар яңғыраны, сығыш яһаусылар уның тураһында хәтирәләре менән бүлеште. Унда райондың йәш шағирҙары, мәҙәниәт һарайы артистары, үҙешмәкәр коллективтар, һәүәҫкәр йырсылар сығыш яһаны. Халыҡ яҙыусыһы Зәйнәб Биишева иҫтәлегенә арналған документаль фильм күрһәтелде.

Белешмә. Зәйнәб Биишева (1908-1996) — Башҡортостандың халыҡ яҙыусыһы, Салауат Юлаев исемендәге дәүләт премияһы лауреаты, прозаик, шағирә, драматург, тәржемәсе.

#әҙәбиәт йылы #әҙәби премия

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.