Өфөлә рәссам Ян Крыжевскийҙың шәхси күргәҙмәһе асыла

ӨФӨ, 2015 йыл, 22 ғинуар. /«Башинформ» мәғлүмәт агентлығы, Ләйлә Аралбаева/. 29 ғинуарҙа Өфөлә, Михаил Нестеров исемендәге Башҡорт дәүләт художество музейында Ян Крыжевскийҙың «Өфө — Нью-Йорк — Өфө» тип аталған шәхси күргәҙмәһе асыла. Был уның 40 йылдан ашыу ижади эшмәкәрлеге осоронда Тыуған илендәге тәүге шәхси күргәҙмәһе.

Трансреализм алымына нигеҙ һалыусыларҙың береһе булған рәссам үткән быуаттың 90-сы йылдарында Америка Ҡушма Штаттарына күсеп китә. 2014 йылдың аҙағында республика башлығы Рөстәм Хәмитовтың ярҙамы менән АҠШ-тан кире ҡайта.

Экспозицияла 50-гә яҡын эш — М.В.Нестеров исемендәге Башҡорт дәүләт художество музейы йыйылмаһынан әҫәрҙәр, Вологда художество музейынан 18 рәсем, авторҙың һуңғы йылдарҙа төшөргән эштәре урын аласаҡ. Өфөләр рәссамдың тыуған ҡалаһына ҡайтҡас яҙған картиналарын да күрәсәк.

Республика Мәҙәниәт министрлығынан хәбәр итеүҙәренсә, М.В.Нестеров исемендәге Башҡорт дәүләт художество музейында реконструкциянан һуң музейҙың тарихи бинаһы асылды. Ул Лаптев тигән сауҙагәрҙең йортонда урынлашҡан. Унда даими һәм ваҡытлы күргәҙмәләр эшләй. Даими экспозицияға боронғо рус сәнғәте әйберҙәре — иконалар, һауыттар һәм башҡа предметтар ҡуйылған.

Шулай уҡ XVIII — XX быуат башындағы рус сәнғәте күргәҙмәһен дә ҡарарға мөмкин. Унда Левицкий, Верещагин, Толстой, Айвазовский, Щедрин, Харламов һәм башҡа билдәле рәссамдарҙың әҫәрҙәре урын алған. Бынан тыш, Михаил Нестеровтың киңәйтелгән экспозицияһы, Давид Бурлюктың ижады, шулай уҡ элек күргәҙмәгә ҡуйылмаған әҫәрҙәр тәҡдим ителгән.

#күргәҙмә #ян крыжевский

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.