Башҡортостанда китапханаларҙы паспортлаштырыу үткәрелде

Олег Яровиков

IMPORT Сервисный

ӨФӨ, 2014 йыл, 18 декабрь. /«Башинформ» мәғлүмәт агентлығы, Марина Чепикова/. Башҡортостанда китапханаларҙы паспортлаштырыу тамамланды. Унан алдағы иҫәп алыу 2010 йылда, 30 йылға яҡын ваҡыт үткәс кенә уҙғарылды. Башҡортостан Республикаһы Милли китапханаһының фәнни-методик бүлегенең эше һөҙөмтәһендә рәсми мәғлүмәттәр генә түгел, шулай уҡ барлыҡ йәки юҡлыҡ буйынса белешмәләр, һуңғы ваҡытта билдәле бер программалар буйынса, мәҫәлән, «Уңайлы мөхит», талап ителгән мәғлүмәттәр асыҡланды. Һуңғы йылдарҙа республикала китапхана эшенең торошо яҡшырҙы йәки насарайҙы тип әйтеп булмай. Китапханалар компьютерлаштырыла, интернет селтәренә инеү мөмкинлеге арта, сайттар һәм социаль селтәрҙәрҙә интернет-вәкиллектәр барлыҡҡа килә, китапханасылар үҙҙәренең эшендә электрон почтаны йышыраҡ файҙалана. Шулай уҡ паспортлаштырыу барышында ҡайһы бер етешһеҙлектәр теркәлгән.

Республикалағы дөйөм китапханаларҙың 1520-һе ауыл ерендә, 184-е ҡала округтарында урынлашҡан. Китапханалар системаһы 63 системанан тора: 54-е муниципаль райондарҙа, туғыҙы ҡала округтарында. 63 китапхана системаһының 14-е автономлы мәҙәниәт учреждениелары һанала. 265 моделле китапхана иҫәпләнә. Уларҙың күбеһе Өфөлә — 18. Белорет районында — 15, Шишмәлә — 11, Балаҡатайҙа — 8, Саҡмағош, Нуриман, Краснокама, Яңауылда — 7-шәр; Кушнаренко, Туймазы, Тәтешле, Күгәрсен райондарында һәм Сибай ҡалаһында — алтышар; Өфө, Стәрлетамаҡ райондарында бишәр моделле китапхана эшләй.

Һуңғы йылдарҙа күп кенә китапханалар Рәсәй һәм республика гранттарында, проекттарында, конкурстарҙа әүҙем ҡатнашты. Финанс керемдәре, китапханаларҙың матди-техник базаһын яҡшыртыу ошондай сараларҙа ҡатнашыуҙа ыңғай һөҙөмтә бирә. Китапханалар бюджеттан тыш аҡса эшләргә өйрәнә. Республикалағы 63 китапхана системаһының 53-ө түләүле хеҙмәттәр күрһәтә. Түләүле хеҙмәт күрһәтеү төрҙәре: күсермә яһау, текстарҙы баҫыу, түләүле абонементта булған документтар һәм китаптар биреү, текстарҙы сканер аша үткәреү һәм йыйыу.

Республикала өс библиобус эшләй. Библиобустар — микроавтобустар нигеҙендә күсмә китапханалар пункты. Белорет, Туймазы, Ҡырмыҫҡалы райондарының мобиль китапханаларында ҡулланыусылар интернетҡа сығыу, электрон һәм баҫма китаптар алыу, әҙәбиәткә заказ биреү мөмкинлегенә эйә.

#китапханалар #паспортлаштырыу

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.