Республиканың Халыҡтар дуҫлығы йорто үҙенең 20 йыллығын билдәләй

IMPORT Сервисный

ӨФӨ, 2014 йыл, 12 ноябрь. /«Башинформ» мәғлүмәт агентлығы, Ләйлә Аралбаева/. 13 ноябрҙә БР Халыҡтар дуҫлығы йорто үҙенең 20 йыллығын билдәләй. Республиканың Мәҙәниәт министрлығы булышлығында бында «Мәҙәниәттәр диалогы – йәмғиәттең тотороҡло үҫеш һәм халыҡтар хеҙмәттәшлеге нигеҙе» темаһына түңәрәк өҫтәл уҙасаҡ.

Сараға рәсми шәхестәр, төбәк Хөкүмәте, министрлыҡтары һәм ведомстволары вәкилдәре, шулай уҡ Халыҡтар дуҫлығы йорто филиалдары – республиканың тарихи-мәҙәни үҙәктәре һәм милли-мәҙәни йәмәғәт берләшмәләре етәкселәре йыйыласаҡ.

Түңәрәк өҫтәлдә милләт-ара берҙәмлекте нығытыуҙа дәүләт милли сәйәсәте стратегияһын ғәмәлгә индереү мәсьәләләре, милли-мәҙәни йәмәғәт берләшмәләренең роле тикшереләсәк.

Түңәрәк өҫтәл эшендә Рәсәй халыҡтары ассамблеяһының Ресурс үҙәге директоры, тарихи фәндәр докторы, профессор Александр Плотников, Удмуртия Республикаһының милли сәйәсәт министры Лариса Буранова, Башҡортостан, Удмуртия, Татарстан республикалары, Силәбе һәм Һамар өлкәләре Халыҡтар дуҫлығы йорттары директорҙары ҡатнашасаҡ. БР мәҙәниәт министры Әминә Шафиҡова республикала РФ дәүләт милли сәйәсәте стратегияһын тормошҡа ашырыу тураһында һөйләйәсәк.

Түңәрәк өҫтәл сиктәрендә проект сессияһы – «Башҡортостан Республикаһы халыҡтарының этномәҙәни үҫешенә йүнәлтелгән сараларҙы һәм башланғыстарҙы тормошҡа ашырыу» оҫталыҡ класы үтәсәк. Проект сессияһы аҙағында тарихи-мәҙәни үҙәктәр – БР Халыҡтар дуҫлығы йорто филиалдары етәкселәре конкурсының финалы уҙасаҡ.

Сара Өфө ҡалаһы, К.Маркс урамы, 3 адресы буйынса урынлашҡан Сәнәғәт һәм инновацион сәйәсәт министрлығы бинаһында иртәнге сәғәт унда башлана.

БР Халыҡтар дуҫлығы йорто 1994 йылда ойошторолған. Координациялау үҙәге булараҡ ул республиканың милли-мәҙәни йәмәғәт ойошмаларын һәм тарихи-мәҙәни үҙәктәрен берләштерә, уларҙың һөҙөмтәле эше өсөн шарттар булдыра. Йыл һайын Башҡортостан Республикаһының тарихи-мәҙәни үҙәктәре һәм милли-мәҙәни ойошмалары нигеҙендә республика һәм халыҡ-ара кимәлендә халыҡтарҙың милли-мәҙәни мираҫын, телдәрҙе һәм йолаларҙы һаҡлап ҡалыуға һәм үҫтереүгә йүнәлтелгән төрлө мәҙәни-күмәк саралар, милли байрамдар, күргәҙмәләр, конференциялар уҙғарыла. БР Халыҡтар дуҫлығы йорто менән Азат Ибраһимов етәкселек итә.

#бр халыҡтар дуҫлығы йорто #түңәрәк өҫтәл

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.