Среда, 15 Апреля 2026

Уфа

+8 °С

Главное Иҡтисад Йәмғиәт Лонгрид Мәҙәниәт Сәйәсәт Спорт Хәл-ваҡиғалар

|Последние новости

Главная/Мәҙәниәт

04:54 (UTC+5), 23 Октября 2014

Кесе театр художество етәксеһе Юрий Соломин Өфө тамашасыһын маҡтаны

IMPORT Сервисный

ӨФӨ, 2014 йыл, 23 октябрь. /«Башинформ» мәғлүмәт агентлығы, Ләйлә Аралбаева/. Өфөлә Рус дәүләт академия драма театры сәхнәһендә Кесе дәүләт академия театры (Мәскәү) гастролдәре үтә. Театрҙың художество етәксеһе, СССР-ҙың халыҡ артисы Юрий Соломин, Рәсәйҙең халыҡ артисы Александр Потапов һәм генераль директоры Тамара Михайлова журналистарҙың һорауҙарына яуап бирҙеләр.

- Һеҙҙең иҫ киткес ҡалағыҙ йолаларға бай. Театрға, әлбиттә, бөгөн бөтәһенә лә — медицинаға, мәғарифҡа, мәҙәниәткә кеүек үк, йәшәүе еңелдән түгел. Кисәнге спектаклдән һуң театрығыҙҙың етәкселеге менән аралаштыҡ. Беҙгә Өфөлә тамашасы тәрбиәле, материалда тәрбиәләнгән кеүек тойолдо. Ишеткән һәм аҙаҡтан алҡыштар булғанда күргән тамашасылар. Спектаклдән һуң тамаша залы баҫып торҙо – был тиккә генә түгел. Театр тамашасыны тәрбиәләй алған – быны беҙ һиҙәбеҙ. Ул балалар спектаклдәренән уҡ башлана, мәктәптән, хатта балалар баҡсаһынан өйрәтергә кәрәк, — тип иҫәпләй Юрий Соломин.

Кесе театр – иң элекке (1756 йылда Елизавета Петровна тарафынан нигеҙ һалған), традицион, билдәле Рәсәй коллективтарының береһе. Кесе театрҙың хәҙерге быуын артистары һәм режиссерҙары бай йолаларға бирелгәнлектәре менән айырыла һәм алдан эшләүселәрҙең тәжрибәһенә таяна. Кесе театрҙа авангард постановкаларҙың булыуы тураһындағы һорауға Юрий Соломин былай тип яуап ҡайтарҙы:

- Беҙҙә уның булыуы мөмкин түгел. Театр алдында Островскийҙың һәйкәле (кемдәрҙер беҙҙе хатта музей тип йөрөтә) тора. Беҙ ҡайһы берәүҙәр генә һаҡлай алғанды һаҡлайбыҙ. Боҙолғанлыҡҡа ҡырҡа ҡаршы сығыш яһайбыҙ. Хәҙер беҙҙә Островскийҙың 47 пьесаһынан 12 спектакль бара, йыл һайын уны яңылары менән тулыландырабыҙ. Күп кенә килеүселәр, сил ил кешеләре беҙҙең спектаклдәр буйынса рус телен өйрәнә, — тип билдәләне художество етәксеһе.

- Беҙ һеҙгә гастролгә дәүләт ҡушыуы буйынса килдек – беҙгә Мәҙәниәт министрлығы тарафынан аҡса бүленә. Әгәр иғтибар итһәгеҙ, беҙ Мәскәүҙә уйнаған кеүек килдек. Һәр спектаклгә икешәр фура декорациялар, костюмдар, үҙебеҙҙең грим һалыусыларыбыҙ, монтажлаусыларыбыҙ – тулы команда менән килгәнбеҙ. Гастролдәрҙә сиктән тыш ҙур аҡса эшләмәйбеҙ һәм хаҡтарҙы ла Мәскәүҙәгегә ҡарағанда байтаҡҡа түбәнерәк ҡуябыҙ, —тип аңлатты театрҙың генераль директоры.

Иҫегеҙгә төшөрәбеҙ, Кесе театр Өфөлә 21 октябрҙән алып гастролдә. Кесе йома, 23 октябрҙә, өфөләр «Филумена Мартурано» тигән лирик комедияны (Э. де Филиппо, Стефано де Лука постановкаһы) ҡараясаҡ. 24 октябрҙә «Дәүләтте нисек алдарға» спектакле (Л.Верней һәм Ж.Берра, Владимир Бейлис постановкаһы) уҙасаҡ. Гастролдәр 25 һәм 26 октябрҙә Александр Остройвскийҙың «На всякого мудреца довольно простоты» комедияһы менән ябыласаҡ.

1 из 16

#гастролдәр

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.