Четверг, 16 Апреля 2026

Уфа

+5 °С

Главное Иҡтисад Йәмғиәт Үҙебеҙҙекеләрҙе ташламайбыҙ Мәҙәниәт Сәйәсәт Спорт Хәл-ваҡиғалар

|Последние новости

Главная/Мәҙәниәт

09:58 (UTC+5), 24 Сентября 2014

Өфөнөң «Мираҫ» йыр һәм бейеү ансамбле Мәскәүҙә берҙән-бер концерт ҡуйҙы

IMPORT Сервисный

ӨФӨ, 2014 йыл, 24 сентябрь. /«Башинформ» мәғлүмәт агентлығы, Ләйлә Аралбаева/. Мәскәүҙә «Мираҫ» фольклор йыр һәм бейеү ансамбленең берҙән-бер концерты уҙҙы. Данлыҡлы Өфө коллективы П.И.Чайковский исемендәге Концерт залында сығыш яһаны. Ике сәғәтлек программа төрлө халыҡтарҙың вокал һәм бейеү композициялары менән бай булды. «Ватаным минең» 1812 йылдағы Ватан һуғышының 200 йыллығына постановка тамашасыларға ныҡ тәьҫир итте.

- Концерт уңышлы уҙҙы. Мең ярымлыҡ зал беҙҙе ҡайнар ҡаршылап, алҡыштарға күмеп ҡабул итте. Концерт башында сәләмләү телмәре менән тамашасыларға РФ Президенты ҡарамағындағы Башҡортостан Республикаһының Тулы хоҡуҡлы вәкиле Артур Шәйнуров сығыш яһаны, концертта Өфө хакимиәте башлығы урынбаҫары Сынтимер Баязитов, ҡала хакимиәтенең мәҙәниәт һәм сәнғәт буйынса идаралыҡ начальнигы Исламетдин Мәмбәтов булды. Ә үҙебеҙҙең яңы концерт миҙгелен Өфөлә 24 октябрҙә асасаҡбыҙ, — тип һөйләне «Мираҫ» ансамбле матбуғат секретары Марина Луговая.

2014 йылдың июненән «Мираҫ»ты халыҡ-ара конкурстар һәм ҡала йәмәғәт премиялары лауреаты Айнур Искәндәров етәкләй. Яйға һалынған командала художество етәксеһе – БР атҡаҙанған сәнғәт эшмәкәре Нәфирә Иҡсанова, музыка етәксеһе – БР атҡаҙанған мәҙәниәт хеҙмәткәре Сергей Гориченский, РФ һәм БР атҡаҙанған сәнғәт эшмәкәре, БР халыҡ артисы Эльвира Ғәйфуллина, балетмейстер – БР атҡаҙанған артисы Әлфиә Тимерғәзиева эшләй. Ансамбль артистары араһында – халыҡ-ара, бөтә Рәсәй һәм республика конкурстары лауреаттары, уларҙың күбеһе маҡтаулы исемдәргә һәм наградаларға эйә.

Иҫегеҙгә төшөрәбеҙ, Мәҙәниәт йылы Башҡортостан менән Мәскәүҙең мәҙәни эшмәкәрлеге өлкәһендә ваҡиғаларға бай. Республика делегацияһы Мәскәүҙә Мәҙәниәт йылын асыуҙа ҡатнашты, февралдә ошо уҡ П.И.Чайковский исемендәге залда Фәйзи Ғәскәров исемендәге Дәүләт академия халыҡ бейеүҙәре ансамбле сығыш яһаны. Ижади коллективтар һәм алдынғы солистар 2014 йылда Мәскәү һабантуйында үҙҙәренең иң яҡшы номерҙарын башҡарҙы. Октябрҙә баш ҡаланың «Сатирикон» театрында Мәжит Ғафури исемендәге Башҡорт академия драма театрының гастролдәре үтәсәк.

1 из 18

#концерттар #мираҫ бейеү ансамбле

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.