Милли симфоник оркестр 23-сө ижад миҙгелен аса

ӨФӨ, 2014 йыл, 17 сентябрь. /«Башинформ» мәғлүмәт агентлығы, Ләйлә Аралбаева/. Кесе йома, 18 сентябрҙә, республиканың алдынғы ижади коллективтарының береһе – Милли симфоник оркестры рәсми рәүештә 23-сө ижад миҙгелен аса.

Программа Вена классиктарының музыкаль шедеврҙарынан тора – «Фигароның туйы» һәм «Титтың рәхимлеге» операларына увертюралар, шулай уҡ Моцарттың билдәле 40-сы һәм Бетховендың «Пастораль» симфониялары. Дирижёр — Рөстәм Сөләймәнов. Миҙгелде асыу Өфө сәнғәт училищеһының Концерт залында (Пушкин урамы, 103а) киске сәғәт 7-лә башлана.

Иҫегеҙгә төшөрәбеҙ, сентябрҙә БР Милли симфоник оркестры бер нисә тапҡыр Өфө тамашасыларын башҡорт композиторҙарының юбилейҙарына арналған концерты һәм Салауат Юлаев майҙанында Классик музыка марафонында ҡатнашып ҡыуандырҙы.

Оркестр директоры Алексей Воронин һөйләүенсә, алдағы миҙгел ғәҙәттәгесә ваҡиғаларға бай булырға вәғәҙәләй. Миҙгелдең төп ваҡиғаһы – оркестр коллективы үҙ йортон туйлаясаҡ – ул «Башҡортостан» дәүләт концерт залына (элекке «Нефтсе мәҙәниәт йорто») эйә буласаҡ, унда күсеү октябрҙең аҙағына – ноябрҙең башына планлаштырылған.

Октябрҙә БР Милли симфоник оркестры опера сәхнәһе йондоҙо Дмитрий Хворостовскийға ҡушылып уйнаясаҡ. БР Халыҡ артисы, Башҡортостандың дәүләт гимны авторы Фәрит Иҙрисовтың 60 йәшенә «Совет киноһы музыкаһы» программаһы арнала. Оркестр, ноябрҙә уҙасаҡ, Волга буйы, Урал һәм Коми Республикаһы композиторҙарының «Волга һәм Урал араһында – 2014» бөтә Рәсәй музыка фестивалендә төп башҡарыусыларҙың береһе буласаҡ.

Миҙгел дауамында республиканың мәҙәниәт министры Әминә Шафиҡова, саксафонда уйнаусы Олег Кирәев (Мәскәү), популяр Италия йырсыһы Алессандро Сафина, скрипкасы Лев Клычков (Санкт-Петербург), фортепианола уйнаусылар Майкл Булычев-Оксер (АҠШ) һәм Фернандо Калисто (Бразилия) оркестр менән соло башҡарырға планлаштыра. Америка музыкаһының алтын хиттарын Новосибирскиҙан Павел Шаромовтоң вокалсылар квинтеты тәҡдим итәсәк.

Өфөлә Башҡорт операһында баш дирижер булып эшләп киткән, Роберт Лютер бер программа менән дирижерлыҡ итәсәк. Һәм, әлбиттә, оркестрҙың үҙенең артистары – скрипкасылар Алексей Воронин һәм Илшат Мөслимов, альтсы Айгөл Моратова, флейтасы Владимир Семин, виолончелсе Аяз Нухов үҙҙәренең соло программаларын әҙерләй.

#миҙгелде асыу #концерттар #бр милли симфоник оркестры

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.