«Китап» нәшриәте Рәсәйҙә иң яҡшы классик художество әҙәбиәте баҫмаһы тип танылды

Ләйлә Аралбаева

Мәскәүҙә Рәсәйҙең заманса тарихы музейында «Йылдың иң яҡшы китаптары» XXIII бөтә Рәсәй конкурсы йомғаҡтары буйынса бүләкләү тантанаһы уҙҙы.

Конкурс йомғаҡтары буйынса «Иң яҡшы классик художество әҙәбиәте баҫмаһы» номинацияһында «Урал батыр» башҡорт халыҡ эпосы баҫмаһы еңеүсе булды. Китап 2013 йылда башҡорт, рус, инглиз һәм француз телдәрендә баҫылған. Бынан тыш, «Балалар һәм үҫмерҙәр өсөн иң яҡшы китап» номинацияһында Рәсәй Китап нәшер итеүселәр ассоциацияһының дипломы менән Зәйнәб Биишеваның «Һөнәрсе менән өйрәнсек» китабы баҫмаһы билдәләнде.

- «Йылдың иң яҡшы китабы» — ул Рәсәйҙең профессионал китап нәшер итеүселәрҙең төп конкурсы. Беҙ беренсе тапҡыр ике диплом алдыҡ, ул беҙ сығарған продукцияның юғары кимәле тураһында һөйләй, — тип билдәләне «Китап» нәшриәтенең баш мөхәррире Зөлфиә Ҡарабаева.

Рәсәй Китап нәшер итеүселәр ассоциацияһының мәғлүмәттәре буйынса, был миҙгел конкурсында бөтә Рәсәй төбәктәренән 170 нәшриәт, шулай уҡ сил илдәрҙең рус телле нәшриәттәре ҡатнашты. Конкурсҡа 548 баҫма тәҡдим ителде.

Конкурстың маҡсаты – нәшер итеүселәрҙең профессиональ оҫталығын үҫтереү һәм субъекттарҙа нәшер итеү тәжрибәһен таратыу.

Китаптарҙы баһалауға Мәскәү дәүләт матбуғат университеты, Мәскәү дәүләт мәҙәниәт һәм сәнғәт университеты, Рәсәй дәүләт китапханаһы, Рәсәй дәүләт балалар китапханаһы, «Книжное обозрение» аҙналығы эксперттары, шулай уҡ конкурсты ойоштороусы ойошмалар вәкилдәре йәлеп ителде. Еңеүселәрҙе билдәләгәндә баҫманың йөкмәткеһе һәм әһәмиәте, һүрәттәр кимәле, дизайн үҙенсәлеге иҫәпкә алынды.

1 из 6

#китап нәшер итеү

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.