Йәкшәмбе, 17 Май 2026

Өфө

+28 °С

Мөһим яңылыҡтар Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Һуңғы яңылыҡтар

Төп бит/Мәҙәниәт

05:57 (UTC+5), 05 Июнь 2014

Өфө амфитеатрында Симфоник төн уҙҙы

Ләйлә Аралбаева

«Өфө амфитеатрында» (Конгресс-холл артындағы майҙанда) «Симфоник төн» исемле open air концерты уҙҙы.

Өс сәғәт дауамында асыҡ һауала Ағиҙел йылғаһы буйында симфоник музыка – башҡорт, рус һәм сил ил музыкаларынан халыҡ яратып алған һәм популяр әҫәрҙәр яңғыраны.

Тамашасылар араһында абруйлы ҡунаҡтар – республика етәксеһе Рөстәм Хәмитов үҙенең тормош иптәше менән булды.

Кисәнең төп геройҙары – йәш солистар, З.Исмәғилов исемендәге Өфө дәүләт сәнғәт академияһы студенттары һәм уны тамамлаған сәнғәт эшмәкәрҙәре, Башҡортостан Республикаһының Йәштәр симфоник оркестры.

Дирижер пульты артында Өфө дәүләт сәнғәт академияһы ассистенты-стажеры, Александрия ҡалаһында (АҠШ) «Донъя кубогы» конкурсы лауреаты һәм Костромала Мусин исемендәге бөтә Рәсәй дирижерҙар конкурсы дипломанты, «Рәсәйҙең йәш һәләттәре» федераль конкурсы еңеүсеһе Линар Дәүләтбаев булды.

Халыҡ-ара, бөтә Рәсәй һәм республика конкурстары лауреаттары: йырсылар Артур Кәйепҡолов (Ҡаҙағстан), Ян Лейше, Гөлнара Вәлиева, Иҙел Аралбаев, Дилара Иҙрисова, Аида Мәзитова, Рәсәй дәүләт академия симфоник оркестры солистары, скрипкасылар Айһылыу Сәйфуллина һәм Александр Маломожнов (Мәскәү), Сыңғыҙ Ханнанов, пианинола уйнаусылар Шәүрә Сәғитова, Денис Хөсәйенов һәм Элина Арцибашева, виолончелсе Рөстәм Хәмиҙуллин һәм Аяз Нухов, флейтасылар Инна Фоменко һәм Андрей Позяк, аккордеонсы Екатерина Герасимова, кларнетта уйнаусылар Артур Нәзиуллин һәм Руслан Вәлиев, ҡурайсы Марсель Вәхитов, «Splash» барабан шоуы, «Ятаған» ансамбле тәбиғи амфитеатр битләүҙәрендә йыйылған тамашасыларға үҙ ижадын йомарт өләште.

Концертты Рушана Бабич менән Александр Алексеев алып барҙы.

- Европала бындай фестивалдәр даими уҙғарыла – меңләгән кеше ғаиләләре, дуҫтары менән килә, улар күңелдәре менән ял итә, — тип һөйләне скрипкасы Айһылыу Сәйфуллина. — Классик музыканы төшөнөү һис тә кәрәкмәй, ултырырға һәм ләззәт алырға ла була.

Яҡынса баһалар буйынса, «Симфоник төнгә» 12 меңләп кеше йыйылғайны. Улар тәбиғи амфитеатр битләүҙәрендә урынлашты. Сәхнәләге бөтә күренеште ике ҙур экранда күрһәттеләр. Видеорәтте октокоптер – осоп йөрөүсе камера төшөрҙө.

Концерт классик музыка шлягерҙары теҙмәһе һәм сағыу музыкаль фейерверк менән тамамланды.

Иҫегеҙгә төшөрәбеҙ, 2013 йылдың сентябрендә Өфөлә Конгресс-холл артындағы майҙанда беренсе тапҡыр музыка сәнғәте йондоҙҙары һәм БР Милли симфоник оркестры ҡатнашлығында масштаблы ореn air уҙа. Шул ваҡыттан алып майҙансыҡҡа Өфө амфитеатры исеме беркетелде. 2014 йылда «Симфоник төн» проекты Башҡортостан Республикаһы Президентының 15 миллион һумлыҡ грантына лайыҡ булды – финанслау сиктәрендә Йәштәр симфоник оркестры өсөн музыка ҡоралдары алыу планлаштырылған.

1 из 18

#open air #симфоник төн

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.