Алты ил вәкилдәре «Урал моңо-2014» фестивалендә ҡатнашасаҡ

Ләйлә Аралбаева

Төрки йәштәре араһында «Урал моңо - 2014» Халыҡ-ара йыр-моң конкурс-фестивале Өфөлә 28-30 майҙа үтәсәк. Хәҙер сараға һуңғы әҙерлек бара.

Быйыл фестивалгә биш яҡын һәм алыҫ сит илдән: Төркиә, Әзербайжан, Ҡаҙағстан, Ҡырғыҙстан, Гагаузиянан (Молдова), Рәсәйҙең 17 төбәгенән: Ҡырым, Мари Иле, Тыва, Саха (Яҡут), Ҡарасәй-Черкес, Ҡабарҙы-Балҡар, Алтай, Хакасия, Дағстан, Татарстан, Башҡортостан, Төмән, Силәбе, Ҡурған өлкәләре, Ставрополь крайы, Ханты-Манси һәм Ямал-ненец автономиялы округтарынан 50-нән ашыу башҡарыусы һәм ижади коллектив киләсәк. Бөтә конкурста ҡатнашыусыларҙың йәше 18 йәштәп алып 35-кә тиклем – был конкурстың төп критерийы.

Республика халыҡ ижады үҙәгенең матбуғат хеҙмәтенән хәбәр итеүҙәренсә, фестиваль 28 майҙа Башҡорт дәүләт филармонияһында асыласаҡ, гала-концерт 30 майҙа Салауат Юлаев майҙанында үтәсәк. Фестивалде тантаналы япҡандан һуң концерт программаһы менән «Арғымаҡ» этно-рок төркөмө сығыш яһаясаҡ. Был сығыш күсмә этно-фольклор шоу проектының презентацияһына әйләнәсәк, ул 2013 йылда Башҡортостан Республикаһы Президенты гранты конкурсында еңде.

Конкурс жюриһы составына Башҡортостан, Рәсәй Федерацияһы, шулай уҡ төрки телле илдәр йырсылары, композиторҙары, сәнғәт оҫталары: Урал Иҙелбаев һәм Светлана Слягузова (Башҡортостан), Нәзилә Аббаслы (Төркиә), Азамат Мукатов (Ҡаҙағстан), Музафар Этчеев (Ҡабарҙы-Балҡар), Русланбек Шагаев (Алтай Республикаһы), Герман Танбаев (Хакасия Республикаһы), Аржаана Суктер (Тыва Республикаһы), Айчурек Иманалиева (Ҡырғыҙстан) инә.

Конкурсты ойоштороусылар – РФ Мәҙәниәт министрлығы булышлығында һәм «Рәсәй мәҙәниәте (2012-2018 йылдар)» федераль маҡсатлы программаны тормошҡа ашырыу сиктәрендә БР Мәҙәниәт министрлығы, «Башҡортостан» телерадиокомпанияһы дәүләт унитар предприятиеһы, Республика халыҡ ижады үҙәге.

#«урал моңо»

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.