Башҡортостан телевидениеһы һәм радиоһы дикторы Рәсимә Кәримова орденға лайыҡ булды

Ләйлә Аралбаева

Башҡортостан телевидениеһы һәм радиоһы дикторы Рәсимә Кәримова «Башҡортостан Республикаһы алдындағы ҡаҙаныштары өсөн» ордены менән наградланды.

Тейешле указға республика Президенты Рөстәм Хәмитов 7 майҙа ҡул ҡуйҙы. Был хаҡта Башҡортостан Хөкүмәтенең рәсми хоҡуҡи мәғлүмәт порталы хәбәр итә. Документҡа ҡул ҡуйыу киң мәғлүмәт саралары вәкилдәренең һөнәри байрамдары – Радио көнө менән тап килде.

РСФСР-ҙың һәм БАССР-ҙың атҡаҙанған мәҙәниәт хеҙмәткәре Рәсимә Кәримова телевидениеның тәүге дикторы була һәм ул уға 30 йыл ғүмерен арнай. Уның тауышын, йөҙөн һәм йылмайыуын республиканың һәр кешеһе белә. Оҙаҡ йылдар буйына телевидениела даими алып барыусы булып эшләй, һәр көн телевизор ҡараусыларҙы «Өфө һөйләй» һүҙҙәре менән сәләмләй.

Меңләгән тамашасыларға Рәсимә Кәримова алып барған тапшырыуҙар – «Панорама», «Яңы йыл уттары», «Биш йыллыҡ аҙымдары», «Сәнғәт оҫталары», «Йыл миҙгелдәре», «Беҙҙең замандаш», байрам демонстрацияларынан репортаждар, Башҡортостан тураһында «Республика көнөнә» тапшырыуы иҫтә ҡала.

Һуңғы йылдарҙа «Башҡортостан радиоһында» диктор булып эшләй.

Рәсимә Кәримова республика телевидениеһы һәм радиоһының дикторы ғына түгел, ә уның иң сағыу вәкилдәренең береһе, тамашасыларҙың һөйөүен яулап уның тере символы булып тора. Үткән көндәрҙә ул үҙенең юбилейын Мәжит Ғафури исемендәге Башҡорт академия драма театры сәхнәһендә билдәләне.

#бүләкләүҙәр #рәсимә кәримова

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.