Мәсетле районы «Башҡортостандың мәҙәни баш ҡалаһы» эстафетаһын ҡабул итә

Ләйлә Аралбаева

Мәҙәниәт йылына арналған, «Башҡортостандың мәҙәни баш ҡалаһы» республика марафоны эстафетаһы 25 апрелдә Мәсетле районына барып етәсәк.

Район хакимиәтенән хәбәр итеүҙәренсә, көндөҙгө сәғәт икелә мәсетлеләр тантаналы рәүештә сиктә Балаҡатай районы делегацияһын ҡаршы аласаҡ. Иң тәүҙә ҡунаҡтарҙы 2013 йылда асылған моделле китапхана менән таныштырасаҡтар. Тарихи-крайҙы өйрәнеү музейында ҡунаҡтарға Балалар сәнғәт мәктәбе уҡыусыларының һәм уҡытыусыларының биҙәү-ҡулланма сәнғәт экспозицияһын ҡарарға тәҡдим итәсәктәр.

Төп байрам ваҡиғалары Оло Ыҡтамаҡ ауылының үҙәк майҙанында ойоштороласаҡ. Майҙандың бөтә киңлеген ауыл оҫталарының күргәҙмәһе биҙәйәсәк. Майҙанда Мәсетле районында йәшәүсе халыҡтарҙың йолалары тәҡдим ителәсәк. Башҡорт тирмәһендә «ҡатыҡ ашау» йолаһын, урыҫ өйөндә – «пасха йолаһын», татар йортонда – күмәкләп ҡаҙ йолҡоу менән бәйле, көҙгө «ҡаҙ өмәһен» күрһәтәсәктәр.

Балаҡатай районынан Мәсетлегә марафон штандартын рәсми биреү тантанаһы 16 сәғәттә башланасаҡ. Программаны ике райондың художество үҙешмәкәрлек концерты дауам итәсәк.

Райондың мәҙәниәт бүлеге начальнигы Фуат Ғәләүетдиновтың мәғлүмәттәренә ярашлы, Мәсетле районында, Рәсәйҙә һәм Башҡортостанда Мәҙәниәт йылына арналған, саралар икенсе аҙна бара. Беренсе донъя һуғышының 100 йыллығына арналған, иң яҡшы шәжәрә төҙөүгә конкурс, мәктәпкәсә һәм белем биреү учреждениелары араһында «Киләсәк йондоҙҙары» район конкурсы дауам итә.

Марафон эстафетаһын 26 апрелдә Дыуан районы ҡабул итергә әҙерләнә.

#мәҙәниәт йылы #башҡортостандың мәҙәни баш ҡалаһы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.