Пятница, 17 Апреля 2026

Уфа

+14 °С

Главное Иҡтисад Йәмғиәт Үҙебеҙҙекеләрҙе ташламайбыҙ Мәҙәниәт Сәйәсәт Спорт Хәл-ваҡиғалар

|Последние новости

Главная/Мәҙәниәт

05:44 (UTC+5), 07 Апреля 2014

Ике быуын Домашниковтарҙың ижады Өфө тамашасыларына тәҡдим ителде

Гөлфиә Акулова

«Болоттар» заманса сәнғәт үҙәге Өфө тамашасыларына «Домашниковтар. Атаһы һәм улы» сәнғәт күргәҙмәһен тәҡдим итте. Экспозиция 20-се быуаттың билдәле рәссамы Борис Домашниковтың тыуыуына 90 йыллыҡҡа арналған. Рәссамдың исеме Башҡортостандың һынлы сәнғәт йылъяҙмаһында күптән мөһим урындарҙың береһен биләгән. Уның һуңғы күргәҙмәһе 10 йылдан элегерәк уҙҙы.

Борис Домашниковтың рәсемдәре Рәсәйҙең һәм донъяның эре музейҙарында, шәхси коллекцияларҙа, шул иҫәптән Дәүләт Третьяков галереяһында, Сәнғәт академияһында, Дәүләт Көнсығыш халыҡтарының сәнғәт музейында, Нестеров исемендәге Башҡорт дәүләт музейында урынлашҡан.

Виктор Борисович — күренекле рәссамдың улы, шулай уҡ художестволы ижад юлын һайлаған һәм үҙенең шәхси төшөрөү алымын тапҡан. Уның эштәре шулай уҡ экспозицияла күрһәтелгән.

Ике быуын Домашниковтарҙың эштәре беренсе тапҡыр бергә бындай форматта күрһәтелә. Үҙәктең бөтә күргәҙмә залын биләгән, экспозиция рәссамдарҙың 120 эшенән тора. Домашниковтарҙың эштәрен берләштереү идеяһын сәнғәт белгесе, «Болоттар» Үҙәгенең күргәҙмә эшмәкәрлеге етәксеһе Ирина Зиновьева тәҡдим итә.

- Ул өлкән Домашниковты хәтергә алыу һәм кесе Домашниковтың атаһы алдында үҙенсәлекле ижади отчет биреү булып тора. Күргәҙмә рестроспективалы, оҫталарҙың төрлө ижад дәүерҙәрен үҙ эсенә ала. Борис Федоровичтың эштәренә хис-тойғоға бай лирика хас, уның картиналары бөйөк һәм монументаль, — тип һөйләне Ирина Зиновьева. — Виктор Борисович пейзаждар төшөрә, уның ижади яҙыу рәүеше икенсе, уның эштәренең палитраһы – йомшаҡ, асыҡ, еңел. Викторҙың күп кенә рәсемдәре дингә арналған.

Күргәҙмәне асыу көнөндә Борис Домашников менән таныш булған билдәле рәссамдар Вера Гарбуз, Виктор Иванов, Вәкил Шәйхетдинов, Михаил Кузнецов, БР Рәссамдар союзы ағзалары килгәйне.

«Болоттар»ҙа күрһәтелгән рәсемдәрҙе һатып алырға мөмкин. Коллекцияның иң ҡиммәтле эше – Борис Домашниковтың «Октябрь. Иҫке Өфө». Ул ике миллион ярым һум тора. Күргәҙмә 29 апрелгә тиклем эшләйәсәк.

1 из 20

#күргәҙмәләр #домашников

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.