«Һылыукай-2014» конкурсында 12 башҡорт гүзәле ҡатнашасаҡ

«Һылыукай-2014» башҡорт гүзәллек бәйгеһенең гала-концертында ҡатнашыусыларҙың исемдәре асыҡланды. Өс турҙан һуң 12 ҡыҙ һайлап алынды. Улар араһында – Санкт-Петербургтан Алина Байзакова, Мәскәүҙән – Камилә Биҡҡолова, Магнитогорскиҙан Гөлнара Шәмсетдинова. Учалынан Лилиә Вилдәнова, Сибайҙан Раушания Юлдыбаева һәм Элвира Ғүмәрова сығыш яһаясаҡ. Ҡалған ҡыҙҙар республика райондарынан: Мәләүездән Айгөл Вәлитова, Әбйәлилдән Элвира Иҫәнбулатова, Көйөргәҙенән Гөлназ Сәлтәшева, Ейәнсуранан Ләйлә Харисова, Ғафуриҙан Илүзә Йәғәфәрова.

Йыл һайын уҙғарыла торған башҡорт сибәрҙәренең конкурсына быйыл 40 самаһы заявка бирелгәйне.

Иң матурҙарын һәм лайыҡлыларын жюри ағзалары 4 мартта Өфө Ҡала Мәҙәниәт һарайында үтәсәк конкурс финалында һайлаясаҡ, тип хәбәр иттеләр Республика халыҡ ижады үҙәгенән.