«Китап» нәшриәтендә балалар өсөн автомобиль формаһында китап сыҡты

«Китап» нәшриәтендә мәктәпкәсә тиклемге һәм кесе мәктәп йәшендәге балалар өсөн «Минең машиналарым» тигән ғәҙәттән тыш китап сыҡты. Баҫманың үҙенсәлеге шунда: ул формаһы менән автомобилгә оҡшаған, ә балалар унда рус һәм башҡорт телдәрендә машиналарҙың маркаһы һәм тәғәйенләнеше тураһында ҡыҫҡа шиғырҙар уҡый ала. Һүрәттәргә бай баҫманың авторы – Башҡорт дәүләт университеты аспиранты Азамат Мәһәҙиев. Тәржемәсе – Кристина Андрианова, рәссам – Татьяна Лоҡманова.