Вәкил Шөғәйеповҡа РФ Хөкүмәтенең «Рәсәй рухы» премияһы тапшырылды

Арина Рәхимҡолова

Республикала башҡорт милли музыка ҡоралдарын эшләүсе күренекле оҫта Вәкил Шөғәйеповҡа Рәсәй Федерацияһы Хөкүмәтенең «Рәсәй рухы» премияһы тапшырылды. Уны Бөтә Рәсәйҙә таныуҙарын раҫлаусы лайыҡлы һәм почетлы награданы Вәкил Шакир улы ошо көндәрҙә алды. Был хаҡта РФ Министрлығының рәсми сайтында хәбәр ителә.

Быйыл премияға Рәсәйҙең төрлө төбәктәренән 15 мәҙәниәт эшмәкәре лайыҡ булды. Вәкил Шөғәйепов был награданы халыҡ ижадын үҫтереүгә индергән өлөшө өсөн «Халыҡ музыкаһы» номинацияһында алды.

Тантана Мәскәүҙә, В. Чайковский исемендәге концерт залында үтте. Бүләкләүҙә Рәсәй Федерацияһының мәҙәниәт министры Владимир Мединский ҡатнашты. Үҙенең телмәрендә ул, премия «Рәсәй рухы» тип тиккә генә аталмаған, тине.

- Нәҡ халыҡ ижадында һәр халыҡтың ысын йолалары, рухи өлөшө сағыла. Был тап Рәсәй рухы ла. Ә мәҙәниәт – ул быуаттарҙан-быуаттарға халыҡ рухын йөрөтөүсе күсәр, — тине министр.

Вәкил Шакир улы – башҡорт милли музыка ҡоралдары эшләү һәм реставрациялау оҫтаһы. Ул беренсе булып йышылған ағас шпондан ҡурай эшләү ысулын уйлап тапҡан. Думбыраның һаҡланып ҡалған өлгөләрен эҙләү һәм уны яңыртыу менән шөғөлләнә. 1985 йылдың майында Вәкил Шөғәйепов эшләгән думбыра өлгөләре (сопрано, альт, бас) киң производствоға индерелә. 1995 йылда оҫта тамашасыға үҙенең реконструцияланған ҡыл-ҡубыҙын тәҡдим итә. Халыҡ уйын ҡоралдарын реконструкциялау буйынса үҙ проекттары өсөн 1988 йылда БАССР-ҙың атҡаҙанған сәнғәт эшмәкәре исеменә лайыҡ була.

Халыҡ ижадын үҫтереүгә индергән өлөшө өсөн премия 2002 йылда РФ Мәҙәниәт министрлығы тарафынан булдырыла, ә 2007 йылдан алып Рәсәй Федерацияһы Хөкүмәте премияһына әүерелә. Уның менән милли сәнғәт традицияларын һаҡлау һәм үҫтереү өлкәһендә оҙаҡ йылдар уңышлы эшләгәне һәм күренекле ижади ҡаҙаныштары өсөн мәҙәниәт хеҙмәткәрҙәрен билдәләйҙәр.

Награда биш номинация буйынса тапшырыла: «халыҡ йыры», «халыҡ музыкаһы», «халыҡ бейеүе», «традицион халыҡ мәҙәниәте» һәм «халыҡ оҫтаһы». Конкурста халыҡ ижады коллективтары, яңғыҙ башҡарыусылар һәм биҙәү-ҡулланма сәнғәт оҫталары ҡатнаша.

1 из 6

#милли мәҙәниәт #наградалар

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.