Өфөлә Арыҫлан Мөбәрәковҡа һәйкәл асыла

Эльмира Сабирова

Өфөлә 16 декабрҙә СССР-ҙың халыҡ артисы, режиссер, драматург Арыҫлан Мөбәрәковҡа һәйкәл асыласаҡ, тип хәбәр иттеләр БР Мәҙәниәт министрлығының матбуғат хеҙмәтенән.

Бер көн алда, 15 декабрҙә, сәхнә оҫтаһының тыуған көнөндә Башҡорт дәүләт академия драма театрында Мостай Кәримдең «Ай тотолған төндә» (режиссеры — Айрат Абушахманов) трагедияһы буйынса спектакль ҡуйыласаҡ, коллектив уны Башҡорт академия драма театрының мәшһүр артисының яҡты иҫтәлегенә арнай.

Арыҫлан Мөбәрәков, һис шикһеҙ, башҡорт театры тарихында төп фигураларҙың береһе. Уның исеме бөтә башҡорт мәҙәниәте үҫеше һәм сәскә атыуы менән айырылғыһыҙ бәйләнгән. Бөтә ижади тормошонда ул 200-ләп роль башҡарған, сағыу, онотолмаҫлыҡ образдар галереяһы ҡалдырған, улар башҡорт милли театр сәнғәте хазинаһына ингән.

Арыҫлан Ҡотлоәхмәт улы образын мәңгеләштереү бәхете скульптор Владимир Дворникка тейҙе. Башҡорт артисына һәйкәл Өфөнөң В.И.Ленин исемендәге паркында ҡуйылды. Композиция сәхнәлә сығыш яһаусы артист кәүҙәһен һынландырған. Уның артында театр шаршауы фрагменты урынлаштырылған. Бөйөк артистың ҡыҙы Гөлли Мөбәрәкова был ваҡиғаның мөһимлеге тураһында һөйләп, «...Арыҫлан Мөбәрәковҡа һәйкәл асыу — ул бөтә Башҡортостан Республикаһының театр сәнғәтенә һәйкәл асыу», тип билдәләне.

Һәйкәл 15 сәғәттә асыла.

#хәтер #арыҫлан мөбәрәков

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.