Өфө Фотоға төшөрөү оҫталығы академияһы бер юлы дүрт күргәҙмә тәҡдим итә

Өфө Фотоға төшөрөү оҫталығы академияһы 7 декабрҙә«Болот» заманса сәнғәт үҙәгендә (Баҡалы урамы, 3) үҙенең юбилей күргәҙмәһен тәҡдим итәсәк. Тап биш йыл элек был көндө Фотоға төшөрөү оҫталығы академияһы – шәхси уҡыу йорто барлыҡҡа килә, унда теләүселәрҙең барыһы ла уникаль автор программалары буйынса фотоға төшөрөү оҫталығына өйрәнә, шулай уҡ даими яңыртылып торған уҡытыу программаларына ярашлы үҙҙәренең профессиональ кимәлен үҫтерә.

Юбилей айҡанлы «Болот»та «¡Hola Испания!», «Истанбул: ваҡыттар сағылышы», «Һәр кемдең үҙ еңеүе», «Тосканда көҙ» темаларына фотокүргәҙмәләр тантаналы асыласаҡ.

Кисә программаһында – оҫталыҡ кластары үткәреү, йырсы Владимир Колесниковтың сығышы.

Экспозицияның дөйөм майҙаны бер мең квадрат метр тәшкил итәсәк. Фотографияларҙың авторҙары – Академияны тамамлаусылар һәм уҡытыусылар.

Күргәҙмә 7 декабрҙә 17 сәғәттә асыла. Инеү бушлай.

Күргәҙмә 22 декабргә тиклем дауам итәсәк.